سابق عسکری قیادت کی لائن آف کنٹرول پر بھارتی جارحیت کی بھرپور مزمت
بند کریں
تازہ ترین ایڈ یشن کے لیے ابھی کلک کریں
منگل نومبر

مزید اہم خبریں

وقت اشاعت: 15/11/2016 - 15:20:48 وقت اشاعت: 15/11/2016 - 15:20:47 وقت اشاعت: 15/11/2016 - 15:14:34 وقت اشاعت: 15/11/2016 - 15:14:29 وقت اشاعت: 15/11/2016 - 15:14:28 وقت اشاعت: 15/11/2016 - 15:14:26 وقت اشاعت: 15/11/2016 - 15:09:46 وقت اشاعت: 15/11/2016 - 15:09:43 وقت اشاعت: 15/11/2016 - 15:09:41 وقت اشاعت: 15/11/2016 - 15:09:40 وقت اشاعت: 15/11/2016 - 15:09:38
پچھلی خبریں - مزید خبریں

راولپنڈی

سابق عسکری قیادت کی لائن آف کنٹرول پر بھارتی جارحیت کی بھرپور مزمت

بھارت دو ایٹمی طاقتوں کے مابین امن کو نقصان پہنچا رہا ہے،ایڈمرل تسنیم

راولپنڈی (اُردو پوائنٹ اخبارتازہ ترین۔ 15 نومبر2016ء)پاکستان ایکس سروس مین ایسوسی ایشن (پیسا)نے لائن آف کنٹرول پر بھارت کی جانب سے بلا اشتعال فائرنگ اور اسکے نتیجہ میں سات فوجیوں کی شہادت کی بھرپور مزمت کرتے ہوئے کہا ہے کہ پڑوسی ملک دو ایٹمی طاقتوں کے مابین امن کو تباہ کرنے پر تلا ہوا ہے۔ پاکستانی فوج وطن عزیز کے دفاع اور ہر قسم کے ناپاک عزائم کو ناکام بنانے کی بھرپور صلاحیت رکھتی ہے۔

ان خیالات کا اظہار پیسا کے اول نائب صدر وائس ایڈمرل تسنیم کی قیادت میں ہونے والے ایک اجلاس میں کیا گیا ۔اس موقع پر ائیر وائس مارشل مسعود اختر، جنرل نعیم اکبر، برگیڈئیر میاں محمود، سلیم احمد گنڈاپور، برگیڈئیرسائمن شروف، میجر فاروق حامد خان، برگیڈئیرمسعود الحسن اور دیگر موجود تھے۔اجلاس میں شہید ہونے والے جوانوں کی لواحقین سے دلی ہمدردی کا اظہار کیا گیا اور انکی جانب سے جوابی کاروائی جس میں بھارت کے بہت سے فوجی ہلاک و زخمی ہوئے اور کئی چوکیاں تباہ کر دی گئیں کو سراہا گیا۔

سابق فوجیوں نے کہا کہ بھارت کی جانب سے اچانک جارحانہ طرز عمل حیران کن ہے جس کا مقصد پاکستان کی خارجہ تعلقات اور اندرونی معاملات کو نقصان پہنچانا ہو سکتا ہے۔ انھوں نے کہا کہ ہر حملہ کے بعد بھارت سفارتکاروں کو طلب کر کے ان سے احتجاج کرنا ناکافی ہے ۔ فارن آفس اپنی ذمہ داری نبھاتے ہوئے دنیا کو بھارت کا اصل چہرہ دکھائے ، اس کی جارحیت کے مضمرات سے آگاہ کرے اور مقاصد کو بے نقاب کرے۔

فارن آفس عالمی رہنمائوں کو بتائے کہ بھارت ایسے ہتھکنڈوں کے زریعے عالمی رائے عامہ کی توجہ کشمیر کے مسئلے سے ہٹانا چاہتا ہے جسکی اجازت نہیں دی جائے گی۔ سابق عسکری قیادت نے گوادر کی بندرگاہ کے آپریشنل ہونے کو خوش آئند قرار دیتے ہوئے کہا کہ حکومت جلز از جلد تمام شراکت داروں کے تحفظات دور کرے تاکہ اقتصادی راہداری کا منصوبہ بر وقت مکمل کیا جا سکے۔ انھوں نے کہا کہ سپریم کورٹ پانامہ گیٹ سکینڈل کی مناسب انکوائری کرے گی اور اس میں کسی قسم کی تاخیر کی اجازت نہیں دی جائے گی۔
15/11/2016 - 15:14:26 :وقت اشاعت

:متعلقہ عنوان