’’دنگل‘‘ میں بچوں نے مجھ سے بہتر اداکاری کی‘ عامر خان

منگل 15 نومبر 2016 13:41

’’دنگل‘‘ میں بچوں نے مجھ سے بہتر اداکاری کی‘ عامر خان
ممبئی (اُردو پوائنٹ اخبارتازہ ترین - آئی این پی۔ 15 نومبر2016ء)بولی ووڈ کے مسٹر پرفیکشنسٹ عامر خان نے کہا ہے کہ فلم’’ دنگل‘‘ میں شامل بچوں نے ان سی10گنا بہتر اداکاری کے جوہر دکھائے ہیں۔ان خیالات کا اظہار انہوں نے اپنے ایک انٹرویو میں کیا۔ا نہوں نے کہا کہ اپنی نئی آنے والی فلم دنگل میں بچوں نے عمدہ کارکردگی کا مظاہرہ کیا۔

(جاری ہے)

انہوں نے کہا کہ فلم میں اگر اداکاری کے حوالے سے بات کی جائے تو فلم میں موجود تمام بچوں نے مجھ سے 10 گنا زیادہ بہتر اداکاری کی اور اس بات کو ناظرین فلم دیکھنے کے بعد ضرور سمجھ جائیں گے۔

عامر خان کا کہنا تھا کہ میں گزشتہ 25 سال سے فلم میں کام کررہا ہوں لیکن فلم دنگل میں شامل بچوں نے بہت زبردست کام کیا اور وہ مجھ سے بہت زیادہ باصلاحیت ہیں۔واضح رہے کہ فلم دنگل 23 دسمبر کو نمائش کے لیے پیش کی جائے گی