خود بخود بننے والے گڑھے کے باعث درجنوں شہری گھر چھوڑنے پر مجبور
بند کریں
تازہ ترین ایڈ یشن کے لیے ابھی کلک کریں
پیر نومبر

خود بخود بننے والے گڑھے کے باعث درجنوں شہری گھر چھوڑنے پر مجبور

رپن، برطانیہ میں خودبخود بننے والے گڑھے کی وجہ سے نارتھ یارکشائر کے علاقے کے درجنوں گھروں کے رہائشی علاقہ چھوڑنے پر مجبور ہو گئے ہیں۔
خود بخود بننے والے اس گڑھے کی چوڑائی 60 فٹ اور گہرائی 30 فٹ ہے۔ اس گڑھے سے علاقے کے 12 گھر براہ راست متاثر ہوئے ہیں۔ اس ایک گڑھے کے نمودار ہونے کے بعد علاقے میں مزید دراڑیں بھی سامنے آئیں ہیں۔
برٹش جیولاجیکل سروے کے ماہرین ڈرون کی مدد سے ان گڑھوں کا جائزہ لے رہے ہیں تاکہ اندازہ لگایا جا سکے کہ ان میں اضافہ ہو گا یا نہیں۔


جس علاقے میں یہ گڑھا نمودار ہوا ہے وہ جپسم کے ذخائر کی وجہ سے جانا جاتا ہے۔نارتھ یارکشائر فائر سروس سٹیشن کے منیجر کا کہنا ہے کہ علاقے میں اس طرح کے گڑھے نمودار ہونا کوئی نئی بات نہیں ہے۔فائر سروس کے مطابق تازہ ترین گڑھے سے کسی کے ہلاک یا زخمی ہونے کی اطلاع نہیں ملی۔

اس خبر کا حوالہ
14/11/2016 - 21:41:32 :وقت اشاعت