پاکستان کی بزنس کمیونٹی نے پاکستان کی ترقی میں بہت اہم کردار ادا کیا ہے ‘ ملک محمد رفیق رجوانہ
ایف پی سی سی آئی ریجنل آفس لاہور کی زمین کے حصول کیلئے پوری کوشش کروں گا مگر اس راہ میں جو بھی قانونی تقاضے ہیں ان پر عمل درآمد بھی یقینی بنانا ہو گا،قانون کے مطابق اس پر عمل کیا جائیگا‘ گورنر پنجاب کا ایف پی سی سی آئی کی سالانہ ڈائری کی افتتاحی تقریب سے خطاب
اتوار 13 نومبر 2016 17:30
(جاری ہے)
گورنر پنجاب نے کہا کہ فیڈریشن کے آفس کی زمین کے حصول کے لئے ہر ممکن کوشش کروں گا۔
انہوں نے مزید کہاکہ یوبی جی گروپ کی قیادت اور نائب صدور خصوصی طور پر میاں رحمان عزیز اور سید محمد عاصم نے کاروباری برادری کے مسائل کو اجاگر کرنے اور حل کروانے میں موثر کردار ادا کیا ہے ۔امید کرتا ہوںکہ آئندہ بھی آپ کا گروپ ہی کامیاب ہو گا۔ایف پی سی سی آئی ریجنل چیئرمین میاں رحمان عزیز نے کہاکہ ایف پی سی سی آئی ریجنل آفس لاہور نے کاروباری برادری کے تمام مسائل کو حل کروانے کی ہر ممکن کوشش کی ہے۔سٹیل ملیٹر اور فرنس ملیں بند کی گئی جن کو کھولنے میں گورنر پنجاب ملک محمد رفیق رجوانہ نے ذاتی دلچسپی لی جس پر ہم ان کے بے حد مشکور ہیں۔انہوں نے مزید کہاکہ ایف پی سی سی آئی ریجنل آفس کرایہ کی بلڈنگ میں ہے۔ہماری درخواست ہیں کہ حکومت ہمیں لاہور کے کسی بھی حصہ میں ایک ایکٹر رقبہ دیں جس پر ہم ایف پی سی سی آئی پنجاب ریجن کی بلڈنگ تعمیر کر سکیں،ایف پی سی سی آئی نیشنل چیمبر ہے اس پر ذمہ داری بھی زیادہ عائد ہوتی ہے۔ایف پی سی سی آئی کے نائب صدر سید محمد عاصم نے کہاکہ ہم گورنر پنجاب کے انتہائی مشکور ہیں جنہوں نے ہمیشہ کاروباری برادری کے مسائل کروانے میں ہرممکن تعاون کیا۔ہمیں امید ہے کہ2018 تک لوڈشیڈنگ کا خاتمہ ہو جائے گا۔ انہوں نے مزید کہا کہ بے روز گاری ملک کا بہت بڑا مسئلہ ہے تمام شہروں میں انڈسٹریل اسٹیٹ اور یونیورسٹیاں ہونی چاہئیں۔ امیر اور غریب کی تعلیم میں بہت فرق ہے جسے ختم ہونا چاہئے۔ملک کی ترقی کے لئے تعلیم اور صحت جیسی بنیادی سہولیات کو یقینی بنانا ہوگا۔ایف پی سی سی آئی کے سابق ریجنل چیئرمین ایس ایم نصیر نے کہا آج د نیا کی خوبصورتی صنعت و تجارت کی بہتری میں ہی ہے۔ پنجاب پاکستان کا سب سے بڑا اکنامک گڑھ بن چکا ہے پنجاب کی خوشحالی پاکستان کی خوشحالی ہے۔ پسماندہ علاقوں کے ممبران کوبھی اپنے کام کے لیے لاہور میں آنا پڑتا ہے۔انہوں نے کہا کہ ایف پی سی سی آئی کے نئے ریجنل آفس کے لئے زمین مہیا کی جائے تاکہ فیڈریشن زیادہ بہتر طریقے سے کام کر سکے، جہاں پنجاب بھر کے ممبران کے لئے گیسٹ ہاؤس ، ریسرچ سنٹراور بورڈ روم اور تمام جدید سہولتوں سے لیس ایف پی سی سی آئی کا آفس بنانا چاہتے ہیں۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.