شاہ نورانی مزار پر خود کش دھماکا برقعہ پوش حملہ آور نے کیا، ابتدائی تحقیقاتی رپورٹ

فہد شبیر اتوار 13 نومبر 2016 10:12

حب(اُردو پوائنٹ اخبارتازہ ترین۔13نومبر۔2016ء) درگاہ شاہ نورانی دھماکے کی ابتدائی تحقیقاتی رپورٹ جاری کر دی گئی ہے۔ رپورٹ کے مطابق دھماکا خود کش تھا۔بلوچستان کے علاقے شاہ نورانی کے مزار پر خود کش دھماکا برقعہ پوش حملہ آور نے کیا۔

(جاری ہے)

بارودی مواد کے ساتھ بال بیرنگ کا استعمال کیا گیا اور نو سے بارہ کلو بارودی مواد استعمال ہوا۔ ذرائع کے مطابق حساس اداروں نے ایک ہفتہ قبل 5 نومبر کو خود کش حملہ آوروں کے داخلے کا الرٹ جاری کیا تھا اور حملہ آوروں کی تعداد 2 بتائی گئی تھی۔ حساس اداروں کی جانب سے کہا گیا تھا کہ حملہ آور عوامی مقامات کا نشانہ بنا سکتے ہیں۔ محکمہ داخلہ بلوچستان کی اطلاع کے باوجود سیکیورٹی انتظامات نہیں کئے گئے۔