آئی جی سندھ کا جرائم کے خلاف عمدہ کارکردگی کا مظاہرہ کرنے پر تھانہ حالی روڈ حیدرآباد پولیس ٹیم کے لیے دولاکھ روپے نقد انعام

بدھ 9 نومبر 2016 17:19

کراچی (اُردو پوائنٹ اخبارتازہ ترین - این این آئی۔ 09 نومبر2016ء) ترجمان سندھ پولیس کے مطابق آئی جی سندھ اے ڈی خواجہ نے جرائم کے خلاف عمدہ کارکردگی کا مظاہرہ کرنے پر تھانہ حالی روڈ حیدرآباد پولیس ٹیم کے لیے دولاکھ روپئے نقد انعام اور تعریفی اسناد کا اعلان کیا ہے ۔

(جاری ہے)

ترجمان نے بتایا کہ حیدرآباد پولیس رپورٹ کے مطابق علی الصبح تھانہ حالی روڈ پولیس اور ڈاکوؤں کے ایک گروہ کے مابین ہونیوالے پولیس مقابلے میں ڈاکو علی شیرمری ہلاک ہوا۔ابتدائی تفتیش کے مطابق ہلاک ہونیوالا ڈاکو قتل, اقدام قتل, ڈکیتی رہزنی, پولیس مقابلے ودیگر سنگین جرائم میں پولیس کو مطلوب تھا جبکہ مذکورہ ڈکیت آئی جی آزادکشمیر بشیرمیمن کے بھتیجے کے اغوا برائے تاوان کی واردات میں بھی ملوث تھا۔