آسٹریلوی کپتان نے شکست کا ملبہ غیرروایتی شیڈول پرڈالنے سے انکارکردیا

منگل 8 نومبر 2016 13:52

پرتھ(اُردو پوائنٹ اخبارتازہ ترین - آئی این پی۔ 08 نومبر2016ء)آسٹریلوی کپتان اسٹیون اسمتھ نے جنوبی افریقہ کے ہاتھوں پہلے ٹیسٹ میں شکست کا ملبہ غیرروایتی شیڈول پر ڈالنے سے انکار کردیا۔کرکٹ آسٹریلیا نے رواں سیزن میں برسبین میں پاکستان کے ساتھ ڈے اینڈ نائٹ ٹیسٹ کی وجہ سے سیزن کا پہلا میچ پرتھ میں رکھا جہاں پر پروٹیز کا ریکارڈ بے داغ ہے، اس سے قبل آسٹریلیا کے ہوم سیزن کا آغاز روایتی طور پر برسبین کے گابا اسٹیڈیم سے ہی ہوتا ہے۔

(جاری ہے)

اس کے ساتھ نومبر میں سیریزشروع کرنے سے کھلاڑیوں کو صرف ایک شیفلڈ شیلڈ میچ کھیلنے کا موقع ملا، وہ بھی پنک گیند کے ساتھ تھا۔اسمتھ نے کہاکہ میں شیڈولنگ پر بات نہیں کرسکتا کیونکہ یہ بہت پہلے ہی طے ہوچکا تھا، ہمیں یہ بات یقینی بنانا تھی کہ اس میچ کیلیے زیادہ سے زیادہ تیار ہوں، ہم سب کو صرف ایک شیفلڈ شیلڈ میچ ملا مگر تمام بیٹسمینوں نے اس میں وکٹ پر اچھا وقت گزارا، پرتھ ٹیسٹ میں بھی شروع میں ہم نے حریف سائیڈ پر دبائو ڈالا مگر پھر اسے برقرار نہیں رکھ پائے۔

Facebook Twitter Google + Share on Whatsapp

آسٹریلوی کپتان نے شکست کا ملبہ غیرروایتی شیڈول پرڈالنے سے انکارکردیا

مزید کھیلوں کی خبریں