سینیٹر غوث محمد خان نیازی کی زیر صدارت مجلس قائمہ پانی و بجلی کا اجلاس ٬
سندھ طاس منصوبے کے تحریک التواء٬ واپڈا میں پچھلے ایک برس سے کنٹریکٹ اور ڈیلی ویجز ملازمین کی بھرتیوں٬ پچھلے چھ ماہ میں پیسکو میں وصولیوں اور نقصانات کا ایجنڈا پر تبادلہ خیال کیا گیا
پیر 7 نومبر 2016 16:52
(جاری ہے)
خالی آسامیوں پر ہونے والے اس ماہ کے ٹیسٹ این ٹی ایس کی بجائے واپڈا خود لے گا۔
چیئرمین واپڈا لیفٹیننٹ جنرل (ر) مزمل حسین نے کمیٹی کوآگاہ کیا کہ این ٹی ایس کے نتائج غیر تسلی بخش ہوتے ہیں واپڈا میں بھرتی کمیٹیاں موجود ہیں اور ہر قسم کے گریڈ کی بھرتی کیلئے ماہرین بھی ہیں۔ سینیٹر نعمان وزیر خٹک نے کہا کہ واپڈا کی اتھارٹی ٬خود مختار ادارے اور وفاقی وزارت پانی بجلی کی نگرانی کے حوالے سے آئندہ اجلاس میں مفصل بریفنگ دی جائے۔ سینیٹر دائود اچکزئی نے کہا کہ این ٹی ایس کی بجائے واپڈا اپنی پالیسی پر عمل کر کے خود ٹیسٹ لے۔ این ٹی ایس کے چیئرمین جعلی ڈگری ثابت ہونے پر بیرون ملک بھاگ گئے ہیں۔ سینیٹر نثار محمد نے کہا کہ واپڈا ریکروٹمنٹ رولز موجود ہیں اپنے نظام کے تحت بھرتیاں کی جائیں۔ سینیٹر نعمان وزیر خٹک نے کہا کہ این ٹی ایس جواب دہ نہیں واپڈا خود بھرتیاں کرے جو جوابدہ بھی ہے۔ سینیٹر شیری رحمان نے سندھ طاس منصوبے کے حوالے سے کہا کہ بھارت دریائوں پر ڈیم بنائے جا رہا ہے بگلیہاراور کشن گنگا ڈیم بن گئے مزید ڈیم بننے سے منگلا ڈیم پر برے اثرات مرتب ہو گے۔ سندھ طاس منصوبے پر نظر ثانی باہمی مشاورت سے ہونی چاہئے۔ بھارت ہمارا پانی روک رہا ہے ہمیں دیکھنا ہے کہ ہمیں کیا کرنا ہے۔ سینیٹر نثار محمد نے کہا کہ سندھ طاس منصوبے کا معاملہ حسا س٬تکنیکی اور قانونی ہے۔ تفصیلی بحث کیلئے چیئرمین سینیٹ سے بات کرکے اسے پورے ایوان کی کمیٹی میں لایا جائے جس میں تکنیکی ماہرین تفصیلی آگاہی دیں۔ سینیٹر غوث محمد نیازی نے کہا کہ سندھ طاس معاہدے اور پاکستان کے اندر پانی کے مسائل کو بھی زیر بحث لایا جائے۔ پہلے قائمہ کمیٹی کی ذیلی کمیٹی قائم کر کے تفصیلی بحث کے بعد پورے ا یوان کی کمیٹی میں بحث کرائی جائے۔ سیکرٹری پانی و بجلی محمد یونس ڈھاگہ نے کہا کہ رتلے ڈیم پر ہم بر وقت اقدامات کر رہے ہیں۔ بھارت دریائوں کا پانی باہمی معاہدے کے تحت ہی استعمال کر سکتا ہے۔ بھارت اگر عالمی معاہدوں کو توڑ کر پانی کی جارحیت پر اترتا ہے تو بھرپور جواب دیا جائے گا۔ سندھ طاس معاہدے کے علاوہ اور بھی بین الاقوامی کنوشنز موجود ہیں اور اس کے علاوہ بھی حل ہیں۔ 2016ء سے نیشنل واٹر پالیسی پر کام شروع ہے اور صوبوں سے مشاورت کے بعد نیشنل واٹر پالیسی مشترکہ مفادات کونسل میں پیش کی جائے گی۔ سینیٹرز نعمان وزیر خٹک اور نثار محمد نے کہا کہ ٹیلی میٹری سسٹم اور توانائی کے ہوا٬ شمسی توانائی٬ کوئلے اور فیول مکس کے تمام پبلک سیکٹر منصوبوں کی تفصیلی بریفنگ دی جانی چاہئے۔ سیکرٹری پانی و بجلی نے کہا کہ ہائیڈل کی7 اور تھرمل کی3 توانائی منصوبوں کی تفصیلات اگلے اجلاس سے قبل فراہم کر دی جائیں گی۔ کمیٹی کو آگاہ کیا گیا کہ 20 ارب کے اگلے پانچ سالہ منصوبوں میں 38گرڈ سٹیشن شامل ہیں۔جن میں درگئی کے خادو گرڈ سٹیشن٬ چک درہ220 KV بھیشامل ہیں۔خادو درگئی کا پی سی ون منظور ہو گیا ہے۔ بٹ خیلہ گرڈ اسٹیشن کی بھی منظو ری ہو گئی ہے۔دسمبر تک زمین حاصل کر لی جائے گی۔ چک درہ گرڈ سٹیشن سے شانگلہ ٬مینگورہ ٬بٹ خیلہ میں بجلی کی فراہمی آسان ہو جائے گی۔ سینیٹر نثار محمد نے کہا کہ مالا کنڈڈویژن میں 97فیصد وصولیاں ہیں۔بجلی فراہمی منصوبوں میں ترجیح دے کر جلد مکمل کئے جائے۔ کمیٹی کو آگاہ کیا گیا کہ خیبر پختونخوا میں ضلعی کمیٹیاں قائم کرنے کیلئے خطوط لکھ دیئے گئے ہیں تاکہ بجلی چوری پر قابو پایا جا سکے۔ سینیٹر نثار محمد نے پشاور٬ تحت بھائی٬ رائٹ آف وے کے علاوہ مالاکنڈڈویژن میں گرڈ سٹیشنز اور فیڈرز کی زمینوں کے معاملات کو حل کرنے کیلئے پیشکش کی کہ عدالتوں کی بجائے میں خود پیسکو افسران کے ساتھ مل کر معاملات حل کرائوں گا۔ سینیٹر احمد حسن نے کہا کہ وفاقی وزیر پانی بجلی کی پچھلے اجلاس میں یقین دہانی کے باوجود مالا کنڈ کے علاقوں میںعید کے دن بھی لوڈ شیڈنگ رہی۔ زیادہ وصولیوں والے علاقوں میں لوڈ شیڈنگ نہیںہونی چاہئے۔ سینیٹر نعمان خٹک نے کہا کہ جس جس ڈیسکو میں مسائل ہیں ممبران پارلیمنٹ کو شامل کر کے مسائل حل کرائے جائیں۔ سینیٹر نثار محمد نے کہا کہ ممبران پارلیمنٹ قومی مفاد میں تعاون کیلئے تیار ہیں فیصلہ کیا گیا کہ اگلے ہفتے پشاور میں چیف پیسکو کے ساتھ اجلاس میں ضلعی کمیٹیوں کو متحرک کرنے کا نظام وضع کیا جائے۔سینیٹر نعمان وزیر خٹک نے کہا کہ واپڈا کا ٹرانسمیشن ڈسٹری بیوشن سٹرکچر لوڈ نہیں اٹھا سکتا جس کیلئے اقدامات اٹھائے جائیں اور کہا کہ پیسکو کو 300 میگاواٹ کم اور لیسکو کو 400میگا واٹ فراہم ہو رہے ہیں۔ آگاہ کیا گیا کہ خیبر پختونخواہ میں252فیڈرز پر جہاں وصولیاں90فیصد سے کم ہیں لوڈ شیڈنگ نہیں ہے۔اجلاس میں سینیٹرز نثار محمد ٬دائود خان اچکزئی ٬عطاء الرحمن ٬غوث محمد خان نیازی٬ظفر اللہ خان ڈھانڈلہ٬ احمد حسن٬ نعمان وزیر خٹک٬ وفاقی سیکرٹری پانی بجلی محمد یونس ڈھاگہ٬ چیئرمین واپڈا لیفٹیننٹ جنرل (ر) مزمل حسین٬ پیسکو کے چیف ایگزیکٹو آفیسر انوار الحق کے علاوہ اعلی افسران نے شرکت کی۔مزید اہم خبریں
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.