پاکستان کا درد آشنا کون٬ٹرمپ یاہلیری غیرملکی میڈیامیںبحث

پاکستانی عوام ٹرمپ کے ہارنے کی امید لگائے بیٹھے ہیں کیاہلیری پاکستان کی دوست ثابت ہوں گی رپورٹ

پیر 7 نومبر 2016 16:19

پاکستان کا درد آشنا کون٬ٹرمپ یاہلیری غیرملکی میڈیامیںبحث

لندن(اُردو پوائنٹ اخبارتازہ ترین - این این آئی۔ 07 نومبر2016ء) غیرملکی میڈیا نے کہاہے کہ دنیا بھر کی طرح پاکستانیوں کو بھی امریکی صدارتی انتخاب میں گہری دلچسپی ہے اور وہ ڈونلڈ ٹرمپ یا ہلیری کلنٹن کے نت نئے تنازعات اور سکینڈلوں سے اپنے آپ کو نہ صرف باخبر رکھتے ہیں بلکہ محفلوں میں اس پر زوردار بحث و مباحثہ بھی ہوتا رہتا ہے۔اس دوران ایک سوال جو بار بار گردش کرتا ہے وہ یہ ہے کہ پاکستان کے حق میں کون سا امیدوار بہتر ثابت ہو گا٬ ٹرمپ یا کلنٹن غیرملکی میڈیا رپورٹس کے مطابق امریکہ اور پاکستان کے تعلقات ازل سے اتار چڑھاؤ کا شکار رہتے ہیں اور اس وقت یہ خاص طور پر اتار کا شکار ہیں۔

اس بات کا اندازہ ایسے لگایا جا سکتا ہے کہ اس سال اپریل میں امریکہ نے پاکستان کو رعایتی نرخوں پر ایف 16 طیاروں کی مد میں امداد دینے سے انکار کیا۔

(جاری ہے)

اس کے علاوہ امریکہ ڈاکٹر شکیل آفریدی کے معاملے پر بھی سیخ پا ہے جبکہ حقانی نیٹ ورک کے خلاف کارروائی کے سلسلے میں’ڈٴْو مور‘ کا دائمی مطالبہ بھی بیچ میں حائل ہوتا رہتا ہے۔مگر ان پرانی رنجشوں کے ساتھ ساتھ گذشتہ چند سالوں میں امریکہ کی جانب سے جنوبی ایشیائی پالیسی میں ایک بنیادی تبدیلی بھی دیکھی گئی ہے۔

رپورٹ کے مطابق صدارتی انتخابات کی گہما گہمی میں جو بات پس منظر میں چلی گئی ہے وہ یہ ہے کہ آٹھ نومبر ہی کو کانگریس کے انتخابات بھی منعقد کیے جائیں گے جن میں ایوانِ نمائندگان کی تمام نشستوں اور سینیٹ کے سو میں سے 34 ارکان کا انتخاب ہو گا۔یہ دیکھنا بھی اہم ہے کہ کانگریس کے انتخابات میں کس جماعت کو اکثریت ملتی ہے۔ اگر ہلیری کلنٹن صدارتی انتخاب جیت جاتی ہیں جب کہ دوسری طرف کانگریس میں رپبلکن پارٹی اپنی برتری برقرار رکھتی ہے تو سوال پیدا ہوتا ہے کہ کیا وہ ہلیری کو دو سال٬ ڈھائی سال تک چلنے دیں گی کیا وہ ایک جج کو بھی فائز کر سکیں گی کہیں ایسا تو نہیں کہ ان کے خلاف کیس شروع کر دیے جائیں اگر ایسا ہوا تو کلنٹن صدر ہونے کے باوجود بھی بیبس رہیں گی۔

یہ بات قابلِ غور ہے کہ اس وقت امریکی کانگریس کے دونوں ایوانوں میں رپبلکن پارٹی کی اکثریت ہے٬ اور ایوانِ نمائندگان ہی تمام امدادی رقوم کی منظوری دیتا ہے۔پاکستان میں اکثر لوگ ٹرمپ کے ایسے بیانات کی وجہ سے ان کے ہارنے کی امید لگائے بیٹھے ہیں جنھیں بڑے پیمانے پر مسلم دشمن اور متعصبانہ سمجھا جاتا ہے۔ لیکن کیا کلنٹن پاکستان کی دوست ثابت ہوں گی ۔

متعلقہ عنوان :