جنوبی افریقہ نے پرتھ ٹیسٹ میں آسٹریلیا کو 177 رنز سے شکست دے دی

پیر 7 نومبر 2016 13:42

پرتھ ۔ (اُردو پوائنٹ اخبارتازہ ترین - اے پی پی۔ 07 نومبر2016ء) جنوبی افریقہ نے پرتھ ٹیسٹ میں آسٹریلیا کو 177 رنز کے واضح مارجن سے شکست دے کر تین میچوں کی سیریز میں 1-0 کی برتری حاصل کر لی۔ میزبان ٹیم آسٹریلیا 539 رنز کا ہدف حاصل کرنے میں ناکام رہی اور پوری ٹیم 361 رنز بناکر آئوٹ ہوگئی۔ کگیسو ربادا نے پانچ وکٹیں حاصل کیں٬ انہیں مین آف دی میچ کا ایوارڈ دیا گیا۔

تفصیلات کے مطابق گزشتہ روز پرتھ میں ٹیسٹ کے پانچویں اور آخری روز آسٹریلیا نے 539 رنز کے تعاقب میں اپنی نامکمل اننگز 169 رنز 4 کھلاڑی آئوٹ پر دوبارہ شروع کی تو عثمان خواجہ 58 اور مچل مارش 15 رنز پر ناٹ آئوٹ تھے٬ آسٹریلیا کو پانچواں نقصان 196 کے مجموعی سکور پر اٹھانا پڑا جب مچل مارش 26 رنز بناکر کگیسو ربادا کی گیند پر ایل بی ڈبلیو ہوگئے۔

(جاری ہے)

عثمان خواجہ بدقسمت رہے اور تین رنز کے فرق سے سنچری مکمل نہ کر سکے انہیں 97 کے انفرادی سکور پر جے پی ڈومنی نے ایل بی ڈبلیو کیا۔ اس کے بعد آسٹریلیا کی وکٹیں وقفے وقفے سے گرتی رہیں اور پوری ٹیم 361 رنز بناکر آئوٹ ہوگئی٬ پیٹر نیول 60 رنز کے ساتھ ناٹ آئوٹ رہے٬ مچل سٹارک اور پیٹر سڈل 13 ٬ 13 جبکہ جوش ہیزل ووڈ 29 اور نیتھن لائن 8 رنز بناکر آئوٹ ہوئے۔ کگیسو ربادا نے پانچ کھلاڑیوں کو آئوٹ کیا٬ انہیں میچ کا بہترین کھلاڑی قرار دیا گیا۔

Facebook Twitter Google + Share on Whatsapp

جنوبی افریقہ نے پرتھ ٹیسٹ میں آسٹریلیا کو 177 رنز سے شکست دے دی

متعلقہ عنوان :

مزید کھیلوں کی خبریں