قوم پانامہ لیکس کے معاملے کی مکمل تحقیقات اور مجرموں کے خلاف سخت ترین کاروائی چاہتی ہے ٬ قوم کا خون چوسنے والی جونکیں اور خزانہ لوٹنے والیکچھ لوگ پانامہ لیکس کی تحقیقات اور سپریم کورٹ کے جوڈیشل کمیشن کی راہ میں روڑے اٹکانے ٬ مقدمہ کو طوالت کا شکار کرکے اپنے مکروہ مقاصد حاصل کرنے کیلئے سرگرم ہوچکے ہیں٬حکومت اور اپوزیشن میں بیٹھا ہوا کرپٹ ٹولہ احتساب کے کسی عمل کو آگے بڑھتا نہیں دیکھ سکتا ٬سیاسی پنڈتوں اور برہمنوں نے قومی اداروں کو یرغمال اور کرپٹ اشرافیہ نے سیاست اور جمہوریت اور تمام اداروں پر قبضہ کررکھا ہے ملک میں آئین کی بالا دستی اور خود مختار عدلیہ کیلئے قانون پر مکمل عمل درآمد کو یقینی بنایا جائے
امیر جماعتِ اسلامی پاکستان سینیٹر سراج الحق کا مسلم کامرس کالج پشاور کے طلبہ سے خطاب
ہفتہ 5 نومبر 2016 20:24
(جاری ہے)
و ہ ہفتہ کو مسلم کامرس کالج پشاور کے طلبہ کے اجتماع سے خطاب کر رہے تھے ۔
سینیٹر سراج الحق نے کہا کہ قوم پانامہ لیکس کے معاملے کی مکمل تحقیقات اور مجرموں کے خلاف سخت ترین کاروائی چاہتی ہے لیکن قوم کا خون چوسنے والی جونکیں اور قومی خزانے کولوٹنے والے چوروں کا ٹولہ احتساب سے بچنے اور عدالتی کاروائی میں خلل ڈالنے کیلئے سرگرم ہوچکا ہے ۔70سال سے اقتدار پر مسلط اشرافیہ احتساب کو اپنی توہین اور زہر قاتل سمجھتا ہے ٬یہ ٹولہ خود کو ہر طرح کے قانون اور احتساب سے بالاتر اور عوام کو شودر اور خود کو مقدس گائے قرار دیتا ہے ۔انہوں نے کہا کہ آئین کو پامال کرنے والے سیاسی برہمنوں کے خلاف کبھی قانون حرکت میں نہیں آیا اور قانون کا کوڑا ہمیشہ غریب اور بے اختیار لوگوں پر برستا رہا ہے جس کی وجہ سے ملک میں لاقانونیت نے ڈیر ے ڈال رکھے ہیں ٬انہوں نے کہا کہ حکمران پہلے کہتے تھے کہ جب بھی عدالت طلب کرے گی وہ کوئی عذر پیش کئے بغیر عدالت میں پیش ہونگے مگر اب اعتراض کیا جارہا ہے کہ عدالت کو یہ کیس سننے کا اختیار نہیں ٬انہوں نے کہا کہ جب تک خود کو آئین سے بالاتر سمجھنے والوں کوآئین کے شکنجے میں نہیں کسا جاتا ملک میں عدلیہ اور آئین کی بالا دستی کا خواب شرمندہ تعبیر نہیں ہوگا۔سینیٹر سراج الحق نے کہاکہ ملکی معیشت کو سب سے زیادہ نقصان حکومتی کرپشن اور حکمرانوں کی معاشی دہشت گردی نے پہنچایا ہے ۔حکمران قومی خزانے کو لوٹ کر بیرونی بنکوں میں جمع کرتے اور قوم کو آئی ایم ایف اور ورلڈ بنک کے قرضوں کی زنجیروں میں جکڑتے رہے ۔انہوں نے کہا کہ حکومت کی ناکام معاشی پالیسیوں کی وجہ سے چھوٹے صوبوں کے عوام احساس محرومی کا شکار ہیں ٬خاص طور پر بلوچستان اور خیبر پختونخواہ میں وفاقی حکومت کے خلاف نفرت میں اضافہ ہوا ہے ٬انہوں نے خیبر پختونخواہ کو بجلی کے منافع میں سے حصہ دینے اور سی پیک پر صوبہ کے تحفظات دور کرنے کا مطالبہ کرتے ہوئے کہا کہ حکومت مغربی روٹ کو یقینی بنانے کیلئے واضح اقدامات کر ے ٬حکومت کی پر اسرار خاموشی نے لوگوں کو شکوک و شبہات میں مبتلا کردیا ہے ۔انہوں نے کہا کہ آئی ایم ایف اور ورلڈ بنک کی طرف سے حکومت کی معاشی پالیسیوں کی تعریف اپنے قرض خواہوں کی پیٹھ ٹھونکنے اور پاکستان کومزید سودی قرضوں کے جال میں پھنسا کر ہماری آزادی اور خود مختاری سلب کرنے کی سوچی سمجھی سازش ہے ۔انہوں نے کہا کہ موجودہ او ر سابقہ حکمرانوںسے آئی ایم ایف اور ورلڈبنک سے لئے گئے قرضوں اور قومی بنکوں سے معاف کرائے گئے قرضوں کا بھی حساب لیا جائے گا۔سینیٹر سراج الحق نے کہا کہ ہر بچے کے ہاتھ میں قلم اور کتاب دینا جماعت اسلامی کا وژن ہے ۔انہوں نے امید ظاہر کی کہ نوجوان پاکستان کو کلین اور گرین بنانے کے وژن کو عملی جامہ پہنانے کیلئے جماعت اسلامی کا ہراول ثابت ہونگے ۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.