پیپلزپارٹی واحد سیاسی پارٹی ہے جو اقلیتوں کے حقوق کا دفاع کرتی ہے اور مساوی آزادی دینے کی حامی ہے٬ندا نذیر

ہفتہ 5 نومبر 2016 11:11

اسلام آباد ۔ 4 نومبر (اُردو پوائنٹ اخبارتازہ ترین - اے پی پی۔ 05 نومبر2016ء) پاکستان پیپلزپارٹی اقلیتی ونگ اسلام آباد کی رہنما ندا نذیر نے کہا ہے کہ ملک میں پاکستان پیپلزپارٹی واحد سیاسی پارٹی جو اقلیتوں کے حقوق کا دفاع کرتی ہے اور مساوی آزادی دینے کی حامی ہے۔

(جاری ہے)

اپنے ایک بیان میں ندانذیر نے کہا کہ پاکستان پیپلزپارٹی کے چیئرمین بلاول بھٹو زرداری نے ملک میں آباد غیرمسلم پاکستانیوں کے حقوق کی بات کرکے بانی پاکستان قائداعظم محمد علی جناح کے فلسفے کو اجاگر کیا ہے۔

انہوں نے کہا کہ چیئرمین بلاول بھٹو زرداری کی قیادت میں بے نظیر پاکستان بن کر رہے گا اور غیرمسلموں کے ساتھ ہونے والی ناانصافیوں کا اژالہ ہوگا۔ ندانذیر نے کہا کہ ملک میں آباد تمام غیرمسلم پاکستانیوں کو چاہیے کہ چیئرمین بلاول بھٹو زرداری کا ساتھ دے کر ان کے ہاتھ مضبوط کریں تاکہ آئندہ نسلوں کو سیاسی٬ سماجی اور معاشی انصاف ملے۔

Facebook Twitter Google + Share on Whatsapp

پیپلزپارٹی واحد سیاسی پارٹی ہے جو اقلیتوں کے حقوق کا دفاع کرتی ہے اور مساوی آزادی دینے کی حامی ہے٬ندا نذیر

مزید قومی خبریں