پیپلز پارٹی قانونی کی بالادستی ٬جمہوریت پر یقین رکھنے والی جماعت ہے ٬ہر ایک کو تحفظ فراہم کرنا سندھ حکومت کی اولین ذمہ داری ہے ٬ وزیراعلیٰ
یہ نہیں کہہ رہا سب ٹھیک ہے ٬میرے 3ماہ کی حکومت میں بہتری آ ئی ہے٬ جناح ہسپتال میں ڈاکٹر عاصم کی عیادت کے بعد میڈیا سے گفتگو ہمارے چاروں مطالبات جمہوریت کے فروغ کیلئے ہیں٬مشترکہ مفادات کونسل کا اجلاس بلایا جائے٬ بلاول بھٹوزرداری نے مڈٹرم انتخابات کی بات نہیںکی
بدھ 2 نومبر 2016 22:04
(جاری ہے)
وزیراعلیٰ سندھ نے کہاکہ ثابت کریں گے کہ ڈاکٹر عاصم پر مقدمات غلط ہیں۔ انہوں نے کہاکہ مجالس کہاں ہورہی ہیں پولیس کو اس کا علم ہونا چاہئے ٬ ناظم آباد فائرنگ لیپس ضرور ہے مگر مجلس گھر میں تھی ۔
انہوںنے مزید کہاکہ دہشت گردوں کا کوئی دین ایمان نہیں ہوتاہے ۔سید مراد علی شاہ نے کہاکہ چینی سرمایہ کاروں کو بھی تحفظ فراہم کرنا سندھ حکومت کی ذمہ داری ہے۔انہوںنے کہاکہ جمہوریت میں ہر ایک کو احتجاج کرنے کا حق ہے٬احتجاج کرنے والوں پر تشدد کرنے کی پُر زور مذمت کرتے ہیں ۔وزیراعلیٰ سندھ نے کہاکہ ہمارے چاروں مطالبات جمہوریت کے فروغ کیلئے ہیں۔ انہوںنے کہاکہ مشترکہ مفادات کونسل کا اجلاس بلایا جائے٬ بلاول بھٹوزرداری نے مڈٹرم انتخابات کی بات نہیںکی۔ انہوںنے کہاکہ ہمیں عدالتوں پر مکمل یقین ہے اور اُمید ہے کہ ڈاکٹر عاصم باعزت بری ہوجائیںگے اورڈاکٹر عاصم کو کسی نہ کسی مقدمے کے تحت قید میں رکھا جا رہا ہے٬ میں ڈاکٹر عاصم کی عیادت کیلئے گیا تھا۔ انہوںنے مزید کہاکہ دہشت گردی کا کسی مذہب سے کوئی تعلق نہیں ہے۔ سید مراد علی شاہ نے کہاکہ 3 ماہ میں مشترکہ مفادات کو نسل کا ایک بھی اجلاس نہیں ہوا ہے ۔ انہوںنے کہا کہ تحریک انصاف کے لوگوں کو احتجاج سے روکنا مناسب عمل نہیں تھا۔انہوںنے کہاکہ حادثات میں جاں بحق افراد کے اہل خانہ کو 1 لاکھ روپے انشورنس کے دئیے جائیں گے اور اس اسکیم سے سندھ کے 18 سال سے 65 سال کے افراد کی حادثاتی موت کی صورت میں اہل خانہ کو پیسے ملیں گے۔وزیراعلیٰ سندھ نے کہاکہ متا ثرہ خاندان کو پیسے بیوروکریسی کے ذریعے نہیں بلکہ انشورنس کمپنی سے براہِ راست ملیں گے۔ انہوںنے کہاکہ انشورنس پالیسی پر عمل درآمد یکم نومبر سے شروع ہو گیا ہے ۔وزیراعلیٰ سندھ سید مراد علی شاہ نے کہاکہ اگر مڈ ٹرم انتخابات ہوتے ہیں تو آئین میں اس کی گنجائش ہے۔ انہوںنے کہاکہ بلاول بھٹو کے مطالبات جمہوریت کو مستحکم کرنے کیلئے ہیں٬ہمارے لیے کامیابی جمہوریت کی مضبوطی میں ہے۔انہوںنے مزید کہاکہ احتجاج سب کا حق ہے پی ٹی آئی کارکنان پر تشدد کی مذمت کرتے ہیں۔سید مراد علی شاہ نے کہاکہ این ایچ اے کی زیادتیوں پر وزیراعظم اور احسن اقبال کو تحفظات سے آگاہ کیا ہے۔ انہوںنے کہا کہ نیشنل ایکشن پلان جب تک جاری ہے اس وقت تک اپیکس کمیٹی کے اجلاس ہوں گے ٬ہم کسی بھی فیصلے میں جلد بازی نہیں چاہتے۔وزیر اعلیٰ سند ھ سید مراد علی شاہ نے کہاکہ شادی ہالز اور کاروبار جلدی بند کرنے پر اتفاق کی کوشش ہو رہی ہے ۔انہوںنے کہاکہ آرمی چیف کی مدت ملازمت میں توسیع یا نئے آرمی چیف کا فیصلہ وزیراعظم کا ہے ٬الیکشن جب بھی ہوں ٬ ہم اس کے لئے تیار ہیں ۔انہوںنے مزید کہاکہ دہشت گردی سرحد پار سے ہو رہی ہے۔ پیپلزپارٹی کے رہنما جمیل سومرو نے اس موقع پر پی پی کی تنظیم سازی کے حوالے سے میڈیا سے بات چیت کرتے ہوئے کہا کہ چاروں صوبوں کے صدور اور دیگر عہدیداروں کے لئے نام تجویز کئے گئے ہیں جس کے تحت سندھ کے جنرل سیکریٹری کے لئے وقارمہدی٬ راشد ربانی ٬ سعید غنی٬ انفارمیشن سیکریٹری سندھ کے لئے نفیسہ شاہ ٬ گل محمد جکھرانی ٬ عاجز دھامرا٬ نعمان شیخ شامل ہیں ۔ کراچی ڈویژن کے صدر کے لئے وقار مہدی٬ سعید غنی ٬ شہلا رضا کے نام تجویز کئے گئے ہیں جبکہ جنرل سیکریٹری کے لئے سعید غنی ٬ مرتضیٰ وہاب٬ ندیم بھٹو کے نام تجویز کئے گئے ہیں اسی طرح پیپلزپارٹی پنجاب کے صدر کے لئے راجہ پرویز اشرف٬ قمر الزماںکائرہ ٬ ندیم افضل چن شامل ہیں جبکہ جنرل سیکریٹری پنجاب کے لئے ندیم افضل چن٬ آصف خان٬ حسن مرتضیٰ شامل ہیں۔ پیپلزپارٹی بلوچستان کے صدر کے لئے سردار فتح حسنی ٬ علی مدد جتک اور کاکڑ شامل ہیں جبکہ جنرل سیکریٹری کے لئے سربلند خان٬ سیف اللہ مگسی ٬ شہادت اللہ شامل ہیں۔پیپلزپارٹی جنوبی پنجاب کے صدر کے لئے مخدوم احمد خان٬ توچی خان٬ اور مرید حسین قریشی کے نام تجویز کئے گئے ہیں۔متعلقہ عنوان :
مزید اہم خبریں
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.