ہم جو وعدہ کرتے ہیں وہ پورا کرتے ہیں

صوبائی وزیر سیاحت گلگت بلتستان فدا خان فدا کا گوپس میں نادرا آفس کی افتتاحی تقریب سے خطاب

بدھ 2 نومبر 2016 21:00

غذر(اُردو پوائنٹ اخبارتازہ ترین - آئی این پی۔ 02 نومبر2016ء) صوبائی وزیر سیاحت گلگت بلتستان فدا خان فدا نے کہا ہے کہ ہم جو وعدہ کرتے ہیں وہ پورا کرتے ہیں۔ وہ بدھ کو گوپس میں نادرا آفس کی افتتاحی تقریب سے خطاب کررہے تھے ۔

(جاری ہے)

انھوں نے کہا کہ جھوٹ بولنا میری عادت نہیں غذر میں پاسپورٹ آفس نہ ہونے کی وجہ عوام کو بہت بڑا مسئلہ تھا جبکہ گوپس یاسین میں نادرا کا دفتر نہ ہونے کی وجہ سے ہندور ٬تھوئی٬درکوت اور بتھریت سے ایک آدمی ایک فارم یا شناختی کارڈ کے لیے گاہکوچ آنا ہوتا تھا تقریب سے خطاب کرتے ہوئے ڈائریکٹر نادرا جی بی محمود اللہ بیگ نے کہا کہ اس سے پہلے فارم (ب) کے لیے یونین کونسل سے برتھ سرٹیفیکیٹ لازمی تھا اب موجودہ حکومت نے یہ ختم کر دیا ہے یعنی عوام کو اس لیے ریلف دیا گیا ہے اور آٹھارہ سال سے چھوٹے عمر کے بچوں کا شناخت نہیں تھا اب ان کو یوتھ کارڈ سے کارڈ بنانے ہیں اور سمارٹ کارڈ تین قسم کے ہیں ایک1600/روپے میں دوسرا 800/روپے میں جبکہ تیسرا400/کارڈ سب ایک ہی ہیں 1600والا دس دن کے اندر ملتا ہے جبکہ دوسرے کارڈ مہینے یا چالیس دن لگ سکتے ہیں ۔