ہلیری کلنٹن کا ای میل کیس کی نئی تحقیقات پر اظہار تشویش

الیکشن میں چند روز باقی رہ گئے٬تحقیقات کا آغاز حیران کن اور اذیت ناک ہے٬ ماضی میں بھی کوئی مثال نہیں ملتی ہے٬صدارتی امید وار

اتوار 30 اکتوبر 2016 14:30

واشنگٹن(اُردو پوائنٹ اخبارتازہ ترین - آن لائن۔ 30 اکتوبر2016ء)امریکی صدارتی امیدوار ہلیری کلنٹن نے ای میل کیس کی نئی تحقیقات پر اظہار تشویش کرتے ہوئے کہا ہے کہ الیکشن سے چند روز قبل اس قسم کی تحقیقات حیران کن ہے۔فلوریڈا میں ڈیموکریٹک پارٹی انتخابی ریلی سے خطاب کرتے ہوئے ہلیری کلنٹن نے کہا کہ ایک ایسے وقت جب الیکشن میں چند روز باقی رہ گئے ہوں۔

اتنی کم معلومات پر تحقیقات کا آغاز حیران کن اور اذیت ناک ہے۔اس کی ماضی میں بھی کوئی مثال نہیں ملتی ہے۔ ووٹر مکمل حقائق جاننے کا حق رکھتے ہیں۔ ان کا کہنا تھا کہ ای میل کیس کی نئی تحقیقات پر ایف بی آئی ڈائرکٹر جیمز کومے سے ملاقات کرکے وضاحت مانگی ہے۔ان سے کہا ہے کہ ای میلز سے متعلق تمام حقائق سامنے لائے جائیں۔

(جاری ہے)

ہلیری کلنٹن پر الزام ہے کہ انہوں نے وزارت خارجہ دور میں سرکاری ای میلز کے لیے نجی ای میل اکاونٹ استعمال کیا تھا۔

ان ای میلز میں حساس معلومات کے تبادلہ سے امریکی قومی سلامتی کو خطرہ لاحق ہوا۔ایف بی آئی نے طویل تحقیقات کے بعد یہ کیس تین ماہ قبل بند کردیا تھا٬ تاہم دو روز قبل ان کی مشیر ہما عابدین کے سابق شوہر انتھونی وینز کے زیر استعمال ایک سرور سے ایسی ہزاروں نئی ای میلز ملی ہیں٬ جو ہلیری نے مختلف ادوار میں بھیجے تھے۔ اس کے بعد ایف بی آئی نے ای میل کیس کی نئی تحقیقات کا اعلان کیا ہی

Facebook Twitter Google + Share on Whatsapp

ہلیری کلنٹن کا ای میل کیس کی نئی تحقیقات پر اظہار تشویش

الیکشن میں چند روز باقی رہ گئے٬تحقیقات کا آغاز حیران کن اور اذیت ناک ہے٬ ماضی میں بھی کوئی مثال نہیں ملتی ہے٬صدارتی امید وار

مزید اہم خبریں