کراچی٬ ضلع وسطی کے تین مقامات پر رینجرز اور پولیس کا سرچ آپریشن٬ 50گرفتار

اتوار 30 اکتوبر 2016 13:20

کراچی (اُردو پوائنٹ اخبارتازہ ترین - آئی این پی۔ 30 اکتوبر2016ء) کراچی میں پولیس اور رینجرز کی جرائم پیشہ افراد کے خلاف کارروائیاں جاری ٬ ضلع وسطی کے تین مقامات سے سرچ آپریشن کے دوران پچاس مشتبہ افراد حراست میں لئے گئے۔ گٹکا بنا کر بیچنے والے دو ملزمان پکڑے گئے۔ موسیٰ کالونی٬ مجاہد کالونی اور اطراف کے علاقوں میں پولیس نے سرچ آپریشن کیا۔

علاقے کے داخلی اور خارجی راستے بند کر کے گھر گھر تلاشی لی گئی۔ خاموش کالونی میں بھی رینجرز اور پولیس نے مشترکہ آپریشن کیا۔

(جاری ہے)

ضلع وسطی میں تین مقامات پر سرچ آپریشن کے دوران پچاس مشتبہ افراد کو حراست میں لیا گیا۔ حراست میں لئے گئے افراد کو تھانے منتقل کر کے تفتیش کی جا رہی ہے۔ پولیس کے مطابق سرچ آپریشن گزشتہ روز ناظم آباد کے علاقے میں فائرنگ کے واقعے کے بعد کیا گیا۔دوسری جانب شریف آباد کے علاقے میں پولیس نے کارروائی کرتے ہوئے دو ملزمان کو گرفتار کر لیا۔ پولیس کے مطابق ملزمان گٹکا بنا کر بیچتے تھے۔۔۔ ملزمان کے قبضے سے بڑی مقدارمیں گٹکا برآمد ہوا۔ دونوں ملزمان کے خلاف مقدمہ درج کر لیا گیا ہے۔