فلم’’شیوے‘‘ نے فلم’’اے دل ہے مشکل‘‘ کومات دیدی

ابتدائی جائزوں کے مطابق فلم کو وہ پزیرائی نہیں مل رہی جس کی توقع کی جارہی تھی

اتوار 30 اکتوبر 2016 11:00

ممبئی(اُردو پوائنٹ اخبارتازہ ترین - این این آئی۔ 30 اکتوبر2016ء) کرن جوہر کو بڑی مشکل سے بھارت میں ’’اے دل ہے مشکل‘‘ کی ریلیز کی اجازت ملی لیکن صورت حال یہ ہے کہ ابتدائی جائزوں کے مطابق فلم کو وہ پزیرائی نہیں مل رہی جس کی توقع کی جارہی تھی۔کرن جوہرنے ’’اے دل ہے مشکل‘‘ کو بڑے ارمانوں سے بنایا٬ اس فلم میں پاکستانی اداکار فواد خان شامل ہیں جن کی اداکاری کی ہرکوئی تعریف کرتا نظرآتا تھا لیکن مقبوضہ کشمیرمیں برہان وانی کی شہادت اوراڑی واقعے کے حالات نے ایسا موڑ لیا کہ جو منظورنظرتھے وہی معتوب ٹھہرے٬ فواد خان ہی کی وجہ سے بھارتی ہندو انتہا پسندوں نے فلم کی نمائش نہ ہونے دینے کا اعلان کردیا٬ اس کے بعد فلم سازوں کی یونین نے پاکستانی اداکاروں اورتیکنیکی عملے کو کام نہ دینے اورپھرسینما گھرمالکان نے اس کی نمائش سے انکارکردیا۔

(جاری ہے)

کچھ دن پہلے تک 100 کروڑبھارتی روپے سے زائد لاگت سے بننے والی ’’اے دل ہے مشکل‘‘ کی راہ میں مشکلیں ہی مشکلیں نظرآرہی تھیں لیکن پھرکرن جوہر نے مختلف سیاسی شخصیات سے معاملات طے کئے اور بالآخر اسے ریلیز کی اجازت مل ہی گئی لیکن اب بھارتی ناظرین نے فلم سے منہ موڑ لیا ہے۔بھارتی میڈیا کی جانب سے کئے گئے سروے کے مطابق 51 فیصد سینما شائقین اجے دیوگن کی فلم ’’شوے‘‘ کو ترجیح دے رہے رہیں اور’’اے دل ہے مشکل‘‘ کے حصے میں صرف فیصد ناظرین آئے ہیں۔

متعلقہ عنوان :