لاڑکانہ تعلیمی بورڈ کی جانب سے گیارہویں جماعت کے سالانہ امتحانات کے نتائج کا اعلان کردیا گیا

لاڑکانہ(اُردو پوائنٹ اخبارتازہ ترین - این این آئی۔ 29 اکتوبر2016ء) لاڑکانہ تعلیمی بورڈ کی جانب سے گیارہویں جماعت کے سالانہ امتحانات کے نتائج کا اعلان کیا گیا ہے۔ تعلیمی بورڈ لاڑکانہ کے کنٹرولر فخرالدین احمد بابر کے مطابق گیارہویں جماعت کے سالانہ امتحانات میں لاڑکانہ٬ قمبر شہدادکوٹ٬ شکارپور٬ جیکب آباد٬ کشمور کندہکوٹ اضلاع سمیت دادو ضلع کے دو تحصیلوں میہڑ اور کی این شاہ سے تعلق رکھنے والے 30423 طلبہ و طالبات نے حصہ لیا۔

پری میڈیکل گروپ کے امتحانات میں 16810 امیدواروں نے حصہ لیا جن میں سے 13454 پاس اور 595 فیل ہوگئے٬ 444 امیدواروں کو کاپی کیس کیا گیا جبکہ 67 امیدواروں کے نتائج کاغذات نامکمل ہونے کے باعث روک دیئے گئے ہیں۔ پری انجنیئرنگ گروپ میں 10493 امیدواروں نے حصہ لیا جن میں 8081 امیدوار پاس اور 514 امیدوار فیل ہوئے جبکہ 399 امیدواروں کو کاپی کیس کیا گیا جبکہ 61 امیدواروں کے نتائج کاغذات نامکمل ہونے کے باعث روک دیئے گئے ہیں۔

(جاری ہے)

ہیومنٹیز گروپ میں 2759 امیدواروں نے حصہ لیا جن میں 1809 امیدوار پاس اور 290 امیدوار فیل ہوئے جبکہ 212 امیدواروں کو کاپی کیس کیا گیا جبکہ 31 امیدواروں کے نتائج کاغذات نامکمل ہونے کے باعث روک دیئے گئے ہیں۔ کامرس گروپ میں 361 امیدواروں نے حصہ لیا جن میں 9 امیدوار پاس اور 4 امیدوار فیل ہوئے جبکہ 399 امیدواروں کو کاپی کیس کیا گیا۔