روس میں دو طالبات جانوروں کو بہیمانہ طریقے سے قتل کرنے کے الزام میں گرفتار

دونوں طالبات جانوروں کوبہیمانہ طریقے سے مارکرتصاویر سوشل میڈیا پر اپ لوڈ کرتی تھیں٬پولیس

ہفتہ 29 اکتوبر 2016 12:01

ماسکو(اُردو پوائنٹ اخبارتازہ ترین - این این آئی۔ 29 اکتوبر2016ء) روس میں دو طالبات کو جانوروں کو بہیمانہ طریقے سے قتل کرنے کے الزام میں گرفتار کر لیا گیا ۔غیرملکی خبررساں ادارے کے مطابق 21سالہ الینا اورلووا اور 19سالہ الینا سواکینکو نے بتایا کہ انہیں جانوروں سے شدید نفرت ہے ٬گزشتہ دنوں انہوں نے شیلٹر سے ایک حاملہ بلی گود لی اور اسے ایک غیرآباد مکان میں لیجا کر دو ٹکڑے کردیئے۔

انہوں نے اس کے پیٹ میں موجود بچے بھی نکال کر مار ڈالے۔

(جاری ہے)

دونوں اب تک کئی جانور گود لے کر قتل کر چکی ہیں۔روسی شہر خاباروسکی کی پیسیفک نیشنل یونیورسٹی کی یہ دونوں طالبات جانوروں کو بے دردی سے قتل کرنے کی ویڈیوز اور تصاویر بناتیں اور انہیں سوشل میڈیا پر شیئر کر دیتی تھیں۔ پولیس نے یہ تصاویر دیکھ کر انہیں گرفتار کر لیا ہے۔ رپورٹ کے مطابق لڑکیوں نے الزامات کی تردید کی ہے اور کہا ہے کہ وہ تصاویراور ویڈیوز فرضی بنائی گئی ہیں۔ ان کے سوشل میڈیا اکائونٹس پر کئی جانوروں کو قتل کرنے کی ویڈیوز اور تصاویر موجود ہیں۔ ایک ویڈیو میں وہ ایک کتے کو لٹکا کر گولی مار کر ہلاک کر دیتی ہیں۔