حکومت سندھ یکمشت فنڈز فراہم کرے ہم تین ماہ کے اندر کراچی کو صاف کردیں گے٬ شہر کی بہتری کی خاطر روزانہ کی بنیاد پر 4 ہزار ٹن کچرا اٹھا کر لینڈ فل سائٹ پہنچا رہے ہیں ٬ 8 ہزار ٹن کچرا شہر ہی میں پڑا رہ جاتا ہے
ڈپٹی میئر کراچی ڈاکٹر ارشد وہرہ کا ’’میٹ دی پریس‘‘ پروگرام میں اظہارخیال خطاب
جمعہ 28 اکتوبر 2016 22:42
(جاری ہے)
ڈپٹی میئر کراچی نے کہا کہ شہر سے کچرا اٹھانا یا صفائی ستھرائی کرنا بلدیہ عظمیٰ کراچی یا ڈسٹرکٹ میونسپل کارپوریشن کی ذمہ داری نہیں ہے ٬ حکومت سندھ نے اس کے لئے الگ محکمہ سندھ سالڈ ویسٹ مینجمنٹ بورڈ تشکیل دیا ہے تاکہ وہ شہر سے کچرا اٹھائے اور صفائی ستھرائی کرے لیکن کراچی کے شہری اس حوالے سے بلدیاتی اداروں کی طرف دیکھتے ہیں۔
انہوں نے کہا کہ کراچی کی موجودہ بلدیاتی قیادت کو بلدیاتی اداروں کی ذمہ داریوں کو سنبھالے ہوئے دو ماہ سے بھی کم کا عرصہ ہوا ہے تاہم گزشتہ عیدالاضحی کے موقع پر اپنی تمام تر صلاحیتوں کے ساتھ اس سلسلے میں انتظامات کئے اور عید کے تینوں دنوں میں شہر کے مختلف علاقوں سے کم و بیش 17لاکھ کے قریب آلائشیں اٹھائیں اور محرم الحرام میں امام بارگاہوں اور مساجد کے اطراف اور جلوسوں کے راستوں کی صفائی ٬ سڑکوں کی مرمت اور اسٹریٹ لائٹس کی فراہمی سمیت دیگر کام انجام دیئے۔ ڈپٹی میئر کراچی ڈاکٹر ارشد وہرہ نے کہا کہ کراچی کے تقریباً سب ہی علاقوں میں تجاوزات کی بھرمار ہے اس کے خلاف بھی روزانہ کی بنیاد پر آپریشن اور مختلف جگہوں سے تجاوزات کو ختم کیا جا رہا ہے۔ انہوں نے کہا کہ بلدیہ عظمیٰ کراچی میں انتظامی معاملات کو بہتر کرنے اور محکموں کو مؤثر انداز میں چلانے کے لیے کچھ تبدیلیاں کی گئیں اور ایسے افسران کو ذمہ داریاں تفویض کیںجواپنے فرائض انتہائی ذمہ داری کے ساتھ انجام دیں۔انہوں نے کہا کہ بلدیہ عظمیٰ کراچی کے اربوں روپے کے واجبات صارفین پر بقایا ہیں جس کی ریکوری کے لیے پہلے مرحلے پر تجارتی و کاروباری حلقوں کو آئینی نوٹس جاری کیے گئے اور مزید اختیارات کے حصول کے لیے حکومت سے رجوع کیا گیا ہے ۔ انہوں نے کہا کہ کے ایم سی میں ریونیو کے اہم ادارے ڈسٹرکٹ میونسپل کارپوریشن اور دیگر اداروں کو دیے جانے سے مالی بحران پیدا ہوا ہے ۔ انہوں نے تمام اداروں اور عوام سے اپیل کی کہ میونسپل یوٹیلیٹی چارجز کے واجبات کے بلوں کی فوری ادائیگی کریں تاکہ شہر میں انفرا سٹرکچر کے کاموں کا بڑے پیمانے پر آغاز کیا جاسکے۔ انہوں نے کہا کہ حکومت جاپان کی طرف سے جدید ترین آلات سے لیس دو گاڑیاں بلدیہ عظمیٰ کراچی کو دی گئیں جن کی مالیت 15 کروڑ روپے ہے ان گاڑیوں کے شامل ہونے کے بعد محکمہ فائربریگیڈ کے استعداد کار میں اضافہ ہوگا ۔ انہوں نے کہا کہ کراچی پاکستان کا اکنامک حب ہونے کے ناطے جس طرح حکومت کو ٹیکس کی مد میں اربوں روپے ادا کرتا ہے اگر اس کا کچھ حصہ بھی کراچی پر خرچ کردیا جائے تو کراچی دنیا کا بہترین شہر بن سکتا ہے لیکن بلدیاتی اداروں کو فوری ریلیف دینے کے بجائے حکومت سندھ نے ان کے اکائونٹس منجمد کردیئے ہیں جس کے باعث تنخواہوں اور پنشن سمیت تمام ادائیگیاں رک گئیں ہیں جبکہ ترقیاتی کام اور جاری منصوبوں کو فنڈ نہ ملنے کے باعث مکمل نہیں کیا جاسکے گا ۔ اس صورتحال سے متعلقہ حکام کو آگاہ کیا ہے اور ان سے درخواست کی ہے کہ بلدیہ عظمیٰ کراچی کے اکائونٹس کو فوری بحال کیا جائے تاکہ دیوالی کے موقع پر ہندو برادری سے تعلق رکھنے والے ملازمین کو تنخواہیں ادا کی جاسکیں اور روزمرہ کے معاملات کو بھی چلایا جاسکے۔ ڈپٹی میئر کراچی نے کہا کہ فروری 2010ء کے بعد منتخب بلدیاتی قیادت نہ ہونے سبب کراچی کے مسائل میں بے پناہ اضافہ ہوا ہے ٬ بلدیہ عظمیٰ کراچی سے وہ محکمے جن سے ریونیو حاصل ہوتا تھا وہ ہم سے لے لئے گئے ہیں اور بلدیہ عظمیٰ کراچی کی آمدنی انتہائی محدود ہو کر رہ گئی ہے۔ انہوں نے کہا کہ بلدیاتی اداروں کے انتخابات سے قبل ہم نے کراچی کی بہتری ‘ترقی اور اسے جدید ترین شہر بنانے کے لئے ایک تفصیلی پلان ترتیب دیا تھا لیکن فنڈز کی کمی اور دیگر رکاوٹوں کے سبب تاحال اس پر عملدرآمد شروع نہیں ہوسکا۔ لیکن ہم پُرعزم ہیں کہ باوجود تمام رکاوٹوں کے اور فنڈز کی کمی کے اس پر جلد ہی کام شروع کردیں گے۔کراچی کی صفائی ستھرائی اور بہتری کے لیے حال ہی میں ایک سو دن پر مشتمل ایک او ر پروگرام بنایا گیا ہے جس پر کام کا آغاز جلد ہی کیا جائے گا ۔ انہوں نے شہریوں سے اپیل کی کہ وہ کراچی کو اون کریں اور بلدیاتی قیادت کا ساتھ دیں تاکہ کراچی جو ہم سب کا شہر ہے اسے دوبارہ روشنیوں کا شہر بنایا جا سکے۔ کراچی پریس کلب کے صدر فاضل جمیلی اور سیکریٹری اے ایچ خانزادہ نے بھی اس موقع پر خطاب کیا اور کہا کہ شہری حکومتوں کا جمہوری حکومتوں کے پھلنے پھولنے میں کلیدی کردار ہوتا ہے اور اسی لئے شہری حکومتوں کو زیادہ سے زیادہ با اختیار بنایا جاتا ہے۔ انہوں نے ڈپٹی میئر کراچی ڈاکٹر ارشد وہرہ کا پریس کلب آمد پر شکریہ ادا کرتے ہوئے کہا کہ وہ ان کی دعوت پر یہاں تشریف لائے اور صحافیوں کے سامنے اپنا نقطہ نظر بیان کیا کہ یہی وہ جگہ ہے جو تمام سیاسی جماعتوں اور پسے ہوئے طبقہ کا مرکزہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.