آئی جی پولیس خیبر پختوانخواہ کا سیکریٹری داخلہ کے نام مراسلہ

وزیر اعلی خیبر پختونخواہ کی اسلام آباد آمد کے موقع پر سرکاری پروٹوکول دینے کی درخواست وزیر اعلی اگرسرکاری امورکیلئے آرہے ہیںتو پروٹوکول دینگے٬ احتجاج کیلئے آئے تودیگر افراد کی طرح تصور کیا جائے گا٬وزارت داخلہ کا جواب

جمعہ 28 اکتوبر 2016 22:25

اسلام آباد(اُردو پوائنٹ اخبارتازہ ترین - این این آئی۔ 28 اکتوبر2016ء) آئی جی پولیس خیبرپختونخوانے سیکرٹری داخلہ کے نام ایک مراسلے میں وزیر اعلی خیبر پختونخواہ کی اسلام آباد آمد کے موقع پر سرکاری پروٹوکول اور سیکیورٹی گارڈ ساتھ رکھنے کی اجازت کی درخواست کی ٬جواب میں وزارت داخلہ نے کہاکہ٬وزیر اعلی اگر امور سرکار کے سلسلے میں آ رہے ہیں تو انکو انکے منصب کے مطابق سرکاری پروٹوکول اور دیگر سہولیات فراہم کی جائیں گی لیکن اگر وہ فیڈریشن کے خلاف احتجاج کرنے اسلام آباد آرہے ہیں تو انکو احتجاج میں شامل دیگر افراد کی طرح تصور کیا جائے گا۔

(جاری ہے)

اس صورت میں نہ تو انہیں اسلام آباد میں گھومنے کی آزادی ہوگی اور نہ ہی انکے مسلح گارڈ ز کو ساتھ جانے کی اجازت ہوگی۔