پی ٹی آئی چیئرمین عمران خان کی کال پر کارکنوں کی گرفتاری کیخلاف پی ٹی آئی کارکنوں کی احتجاجی ریلی

جمعہ 28 اکتوبر 2016 18:58

مردان (اُردو پوائنٹ اخبارتازہ ترین - آئی این پی۔ 28 اکتوبر2016ء) تحریک انصاف کے سربراہ عمران خان کی کال پر اسلام آبا د واقعے کے خلاف پی ٹی آئی کارکنوں نے احتجاجی ریلی نکالی اور پریس کلب کے سامنے جلسہ منعقد کیا ریلی جس کی قیادت صوبائی وزیرتعلیم محمدعاطف خان نے کی قیادت میں کالج چوک سے مارچ کرتے ہوئے پریس کلب پہنچ کر احتجاجی جلسہ منعقد کیاجس سے خطاب کرتے ہوئے محمد عاطف خان ٬ اراکین اسمبلی افتخار مشوانی٬ زاہد درانی ٬عبید مایار اور مجاہد خان ایم این اے نے اسلام آباد میں کارکنوں پر پولیس کی مبینہ تشدد اور گرفتاریوں کی شدید مذمت کرتے ہوئے اسے ریاستی دہشت گردی قراردیا اورکہامیاں نوازشریف نے ملک میں جمہوریت کے نام پر بادشاہت قائم کررکھاہے ملک پر چوروں اور ڈاکوؤں کا راج ہے انہوںنے کہاکہ کارکن تمام رکاؤٹیں توڑ کر ہر حال میں بنی گالہ پہنچیں گے اور 2نومبر کے دھرنے کو کامیاب بناکر رہیں گے انہوںنے کہاکہ ڈیزل اور ایزی لوڈ کلچر کا خاتمہ کردیاہے اوراب پانامہ لیکس والوں کو عبرت کانشانہ بناکر دم لیں گے اس موقع پر کارکنوں نے گونواز گو کے نعرے لگائے ۔