مشفیق الرحیم ٹیسٹ میچز کی نصف سنچری مکمل کرنے والے تیسرے بنگلہ دیشی پلیئر بن گئے

جمعہ 28 اکتوبر 2016 16:10

میرپور ۔ (اُردو پوائنٹ اخبارتازہ ترین - اے پی پی۔ 28 اکتوبر2016ء) بنگلہ دیشی ٹیم کے کپتان اور مڈل آرڈر بلے باز مشفق الرحیم نے ٹیسٹ میچز کی نصف سنچری مکمل کر لی٬ وہ یہ اعزاز پانے والے تیسرے بنگلہ دیشی پلیئر بن گئے ہیں٬ اس سے قبل محمد اشرفل اور حبیب البشر بھی یہ کارنامہ انجام دے چکے ہیں۔

(جاری ہے)

بنگلہ دیش کی جانب سے زیادہ ٹیسٹ کھیلنے کا اعزاز محمداشرفل کو حاصل ہے جنہوں نے 61 ٹیسٹ کھیل رکھے ہیں۔ مشفق نے 2005ء میں ٹیسٹ کیریئر کا آغاز کیا تھا اور گزشتہ روز انگلینڈ کے خلاف آخری ٹیسٹ میں شرکت کے ساتھ ہی کیریئر کے پچاس میچز مکمل کئے۔