ہالی ووڈ اسٹار نکولس کیج پاکستان میں

اسامہ بن لادن پر بننے والی نئی فلم میں نظر آئیں گے٬ سچی کہانی پر مبنی اس فلم میں وہ پاکستان میں دکھائی دیں گے

جمعرات 27 اکتوبر 2016 17:03

نیویارک(اُردو پوائنٹ اخبارتازہ ترین - آن لائن۔ 27 اکتوبر2016ء) امریکی اداکا نکولس کیج اسامہ بن لادن پر بننے والی نئی فلم میں نظر آئیں گے٬ سچی کہانی پر مبنی اس فلم میں وہ پاکستان میں دکھائی دیں گے۔اسامہ بن لادن کو پکڑنے کے مشن پر ایک اور فلم سامنے آنیوالی ہے جس میں نکولس کیج مرکزی کردار ادا کریں گے٬ حقیقی کہانی پر مبنی فلم آرمی آف ون میں ہالی ووڈ اسٹار پاکستان میں نظر آئیں گے۔

(جاری ہے)

نکولس کیج فلم میں ایک امریکی شہری گیری کا کردار نبھا رہے ہیں جس کی زندگی کا کوئی مقصد نہیں تھا٬ ایک دن اس کی ملاقات خدا سے ہوجاتی ہے جو اسے کہتا ہے کہ پاکستان جاؤ اور اسامہ بن لادن کو پکڑو٬ اس کے بعد اسامہ کو ڈھونڈنے کیلئے گیری کا سفر شروع ہوتا۔فلم کے دلچسپ ٹریلر میں دکھایا گیا ہے کہ کس طرح نکولس کیج (گیری) پاکستان کے دارالحکومت اسلام آباد سمیت ملک کے کونے کونے میں اپنے مشن امپوسبل کی تکمیل کیلئے گھومتا پھرتا ہے۔ ۔