پاکستان کی معاشی کارکردگی حوصلہ افزاء ہے٬حکومت نے معاشی استحکام کیلئے بہت اقدامات کئے ہیں جن سے بڑی کامیابیاں ملی ہیں٬ پاکستان کو پائیدار ترقی کیلئے اصلاحات کا عمل جاری رکھنا ہو گا
ایشیائی ترقیاتی بینک کے صدر تاکی ہیکو نکائو کا وزیر خزانہ سینیٹر اسحاق ڈار کے ہمراہ پریس کانفرنس
بدھ 26 اکتوبر 2016 22:42
(جاری ہے)
انہوں نے کہا کہ پاکستان نے حالیہ برسوں میں معاشی میدان میں بڑی کامیابیاں حاصل کی ہیں٬ شرح نمو مستحکم٬ زرمبادلہ کے ذخائر میں نمایاں اضافہ ہوا٬ مہنگائی اور مالیاتی خسارہ میں کمی آئی ہے۔
ایشیائی ترقیاتی بینک کے صدر نے کہا کہ حکومت ڈھانچہ جاتی اصلاحات جاری رکھنے کیلئے پرعزم ہے جبکہ سرمایہ کاری کیلئے حالات کو سازگار بنانے کیلئے اقدامات کئے جا رہے ہیں٬ اس سلسلہ میں مزید کام کرنے کی ضرورت ہے۔ انہوں نے کہا کہ ان کا بینک مختلف شعبوں میں پاکستان کو معاونت فراہم کر رہا ہے٬ پاکستان کے ساتھ تعاون جاری رکھے گا۔ انہوں نے 15 ویں کاریک وزارتی کانفرنس کے کامیاب انعقاد پر حکومت پاکستان کو سراہا۔ انہوں نے کہا کہ پاکستان کا آئی ایم ایف پروگرام کو کامیابی کے ساتھ مکمل کرنا حوصلہ افزاء ہے٬ پاکستان کے اقتصادی اشاریے بہتر ہوئے ہیں جو حکومت کے پختہ عزم سے ممکن ہوا ہے۔ انہوں نے کہا کہ ابھی چیلنجز موجود ہیں تاہم حکومت اس سے نمٹنے کیلئے سنجیدہ اقدامات کر رہی ہے۔ انہوں نے کہا کہ ایشیائی ترقیاتی بینک نے کاریک ممالک کو بدلتے ہوئے اقتصادی حالات کو اپنانے میں معاونت فراہم کی ہے۔ انہوں نے کہا کہ نئے چیلنجز سے عہدہ برآں ہونے کیلئے کاریک کے ایجنڈا کو وسعت دینا ہو گی۔ اس موقع پر وفاقی وزیر خزانہ سینیٹر اسحاق ڈار نے کاریک کانفرنس کی کارروائی سے میڈیا کو آگاہ کرتے ہوئے بتایا کہ اس کے 6 سیشنز ہوئے ہیں٬ کانفرنس میں 2020ء کے بعد کے لائحہ عمل پر بھی تبادلہ خیال کیا گیا ہے۔ کانفرنس میں کاریک ممالک کے رکن ممالک کے علاوہ علاقائی اور بین الاقوامی اداروں کے نمائندوں اور ڈونرز سمیت 160 مندوبین نے شرکت کی۔ انہوں نے کہا کہ جارجیا کاریک کا باضابطہ رکن بن گیا ہے جس کے بعد اس کے رکن ممالک کی تعداد 11 ہو گئی ہے۔ اسحاق ڈار نے کہا کہ وزیراعظم محمد نواز شریف نے افتتاحی سیشن سے کلیدی خطاب کیا اور علاقائی اتحاد کیلئے مفید تجاویز دیں۔ انہوں نے کہا کہ کانفرنس میں کاریک انسٹی ٹیوٹ کا قیام بھی عمل میں لایا گیا ہے جس کی دستاویز پر پاکستان سمیت 4 ممالک نے دستخط کر دیئے ہیں۔ کاریک کانفرنس میں اعلیٰ شرح نمو کیلئے علاقائی تعاون٬ کاریک کی سرگرمیوں میں نجی شعبہ کا کردار بڑھانے٬ علاقائی تجارت٬ بدلتے حالات کے مطابق طویل المدتی حکمت عملی تشکیل دینے اور ادارہ جاتی میکنزم کو بڑھانے پر اتفاق کیا گیا ہے۔ وزیر خزانہ نے ایشیائی ترقیاتی بینک کی معاونت کو سراہا۔ انہوں نے کہا کہ کاریک کانفرنس کے تمام مندوبین نے کوئٹہ میں دہشت گردی کے المناک واقعہ پر پاکستان کے عوام اور حکومت سے افسوس کا اظہار کیا ہے۔ انہوں نے کہا کہ کوئٹہ کے سانحہ کے بعد کانفرنس کے مندوبین کے اعزاز میں عشائیہ اور کلچرل شو کا پروگرام منسوخ کیا گیا ہے۔مزید قومی خبریں
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.