پی آئی اے کی نجکاری نہیں کی جا رہی

چیئرمین پی آئی اے اعظم سہگل کی سی بی اے یونین کے صدر شمیم اکمل سے ملاقات کے دوران گفتگو

بدھ 26 اکتوبر 2016 21:40

کراچی(اُردو پوائنٹ اخبارتازہ ترین - آئی این پی۔ 26 اکتوبر2016ء) چیئرمین پی آئی اے اعظم سہگل نے کہا ہے کہ پی آئی اے کی نجکاری نہیں کی جا رہی اور اس سلسلے میں پھیلائی جانے والی افوائیں بے بنیاد ہیں ۔ وہ بدھ کو پی آئی اے سی بی اے یونین کے صدر شمیم اکمل سے ملاقات کے دوران گفتگو کررہے تھے ۔

(جاری ہے)

شمیم اکمل نے ملاقات میں پی آئی اے ملازمین میں ادارے کی نجکاری کے بارے میں پائی جانے والی بے چینی کے متعلق چیئرمین کو آگاہ کیا ۔

چیئرمین پی آئی اے نے کہا کہ اس سال کے شروع میں پارلیمنٹ میں ہونے والے فیصلے کے مطابق حکومت پاکستان ایئرلائن کے 51فیصد حصص اور انتظامی کنٹرول اپنے پاس رکھے گی ۔ شمیم اکمل نے چیئرمین پی آئی اے کی جانب سے ایئرلائن کے ملازمین کے لئے واضح پیغام پر ان کا شکریہ ادا کیا اور کہا کہ پی آئی اے کے ملازمین قومی ایئرلائن کی بحالی کے لئے ان کی کوششوں کو سراہتے ہیں ۔ (م ن)