فرانس میں برطانوی شہزادی کیٹ کی نازیبا تصاویر لینے والے میڈیا کے 6 افراد پر مقدمہ

بدھ 26 اکتوبر 2016 20:47

پیرس(اُردو پوائنٹ اخبارتازہ ترین - آئی این پی۔ 26 اکتوبر2016ء) فرانس میں برطانوی شہزادی کیٹ کی نازیبا تصاویر لینے والے فوٹوگرافر٬ صحافیوں اور میڈیا آفیشلز سمیت 6 افراد پر ذاتی زندگی میں مداخلت کے قانون کے تحت مقدمہ چلایا جائے گا۔2012 میں فوٹوگرافر نے برطانوی شہزادی کیٹ کی بغیر قمیض کے تصاویراتارکر ایک اخبار اور ایک میگزین میں شائع کی تھیں۔

(جاری ہے)

غیر ملکی خبررساں ادارے کے مطابق عدالتی ذرائع کا کہنا ہے کہ تصاویر لینے اور شائع کرنے میں مقامی فرانسیسی اخبار لا پرووینس٬ کلوزر میگزین اور اس کی مرکزی کمپنی ایم او ای ڈی ایم آئی پبلشنگ گروپ ملوث ہے جن کے ذمے داران پر مقدمے کا آغاز کیا جارہا ہے۔واضح رہے کہ 2012 میں شہزادی کیٹ مڈلٹن اور شہزادہ ولیم فرانس کے علاقے لیوبیرون میں چھٹیاں گزارنے آئے تھے اور یہ نازیبا تصاویر ان کی بالکنی سے لی گئی تھیں جس کے بعد شہزادی کیٹ اورشہزادہ ولیم نے فرانسیسی حکومت سے کہا تھا کہ وہ اس تصویر کی تشہیرکو روکنے کے لئے اپنا اثرورسوخ استعمال کرے۔

Facebook Twitter Google + Share on Whatsapp

فرانس میں برطانوی شہزادی کیٹ کی نازیبا تصاویر لینے والے میڈیا کے 6 افراد پر مقدمہ

متعلقہ عنوان :

مزید بین الاقوامی خبریں