پی ٹی آئی کے اندر ہر کسی کا اپنا امپائر ہے٬شاہ محمود قریشی جس لالچ میں پی ٹی آئی میں شامل ہوئے وہ خواب کبھی پورا نہیں ہوگا٬ ان کی حیثیت کا سیاسی مقام دو نمبر کا اور ہمیشہ دو نمبر رہیں گے٬ پیپلزپارٹی کے رہنما سینیٹرسعید غنی کا بیان

بدھ 26 اکتوبر 2016 20:43

اسلام آباد(اُردو پوائنٹ اخبارتازہ ترین - آئی این پی۔ 26 اکتوبر2016ء)پاکستان پیپلزپارٹی کے رہنما سینیٹرسعید غنی نے کہا ہے کہ پی ٹی آئی کے اندر ہر کسی کا اپنا امپائر ہے۔ شاہ محمود قریشی جس لالچ میں پی ٹی آئی میں شامل ہوئے تھے وہ خواب کبھی پورا نہیں ہوگا۔ شاہ محمود کی حیثیت کا سیاسی مقام دو نمبر کا اور ہمیشہ دو نمبر رہیں گے۔

(جاری ہے)

بدھ کواپنے ایک بیان میں سینیٹر سعید غنی نے کہا کہ پی ٹی آئی کی پہچان ہی پردہ نشین امپائر ہیں۔

پی ٹی آئی کا ہر لیڈر اپنے اپنے امپائر کی طرف دیکھ رہے ہیں۔ جب امپائر نے اشارہ کیا تو عمران خان کو سفر کرنے کے لئے جہاز بھی نہیں ملے گا۔ انہوں نے کہا کہ شاہ محمود قریشی آج جو مخالفین کے لئے زبان استعمال کر رہے ہیں وہی زبان کل عمران خان کے خلاف استعمال کریں گے کیونکہ اس سیاسی خانہ بدوش کی نہ اپنی سوچ ہے اور نہ ہی سمت۔ امپائر جو بھی لائن دے دیتا ہے موصوف چل پڑتا ہے۔(رڈ)

Facebook Twitter Google + Share on Whatsapp

مزید اہم خبریں