کوئٹہ پولیس ٹریننگ سینٹر کے بعد سیکیورٹی خدشات کے پیش نظر اسلام آباد میں فوج کے قیام میں 3 ماہ کی توسیع

بدھ 26 اکتوبر 2016 19:33

اسلام آباد(اُردو پوائنٹ اخبارتازہ ترین - این این آئی۔ 26 اکتوبر2016ء) کوئٹہ پولیس ٹریننگ سینٹر کے بعد سیکیورٹی خدشات کے پیش نظر اسلام آباد میں فوج کے قیام میں 3 ماہ کی توسیع کردی گئی۔

(جاری ہے)

ذرائع کے مطابق ملک بھر میں موجودہ صورتحال اور کوئٹہ میں پولیس ٹریننگ سینٹر پر حملے کے بعد وفاقی دارالحکومت میں پاک فوج کے قیام میں 3 ماہ کی توسیع کردی گئی ذرائع کے مطابق آپریشن ضرب عضب سے قبل اسلام آباد میں آئین کے آرٹیکل 245 کے تحت فوج کو طلب کیا گیا تھا اور اس وقت فوجی جوانوں کی تعداد 30 ہزار تھی تاہم اب وزارت داخلہ نے 90 روز کی توسیع کے بعد جوانوں کی تعداد 20 ہزار کم کرکے 10 ہزار کردی گئی ہے۔

ذرائع نے بتایا کہ حکومت نے تحریک انصاف کے 2 نومبر کے دھرنے کے پیش نظر بھی فوج کے قیام میں توسیع کی اور فوجی اہلکاروں کو آرٹیکل 245 کے تحت حاصل اختیارات کو ہائیکورٹ میں بھی چیلنج نہیں کیا جاسکتا۔ ذرائع نے بتایا کہ آرٹیکل کے تحت سول انتظامیہ کسی بھی ناخوشگوار صورتحال کے پیش نظر فوج کو کسی بھی موقع پر طلب کرسکتی ہے۔