پاکستان کاریک ممالک کے درمیان اقتصادی تعاون کو بڑھانے میں اہم کردار ادا کر سکتا ہے ٬ْاسحاق ڈار
چین پاکستان اقتصادی راہداری وسطی ایشیاء‘ مشرق وسطیٰ اور افریقہ کے مابین رابطہ کاری کا بھرپور مواقع فراہم کرتا ہے‘ کاریک کی کامیابی سے خطے کے لوگوں کی زندگیوں پر مثبت اثرات مرتب ہوں گے ٬ْچین پاکستان اقتصادی راہداری ہمارے خطے کی اقتصادی ترقی میں فیصلہ کن کردار ادا کرے گی ٬ْوزیر خزانہ کا خطاب کاریک ممالک کیلئے سمندر تک رسائی حاصل کر نے کا آسان راستہ ہے ٬ْ علاقائی تجارت کو فروغ ملے گا ٬ْایشیائی ترقیاتی بینک
بدھ 26 اکتوبر 2016 19:01
(جاری ہے)
بدھ کو وفاقی وزیر نے اجلاس کے شرکاء کا خیرمقدم کرتے ہوئے وزارتی اجلاس کے اہتمام پر ایشیائی ترقیاتی بینک کے صدر اور ان کی ٹیم کی کوششوں کو سراہا۔
انہوں نے اجلاس کے شرکاء کو مئی 2013ء سے قبل ملک میں معاشی عدم استحکام کی صورتحال اور موجودہ حکومت کے اقتدار میں آنے کے بعد معاشی بحالی و استحکام کیلئے کی جانے والی کوششوں کے بارے میں آگاہ کرتے ہوئے کہا کہ وزیراعظم محمد نواز شریف کی قیادت میں ہماری حکومت نے اقتصادی اصلاحات کا ایجنڈا پیش کیا جس کے تحت ضروری لیکن مشکل اقدامات کے نتیجے میں پاکستان نے میکرو اکنامک استحکام حاصل کرلیا ہے۔ اسحاق ڈار نے کہا کہ ملک میں مجموعی اور پائیدار نمو کے لئے موجودہ حکومت کی اقتصادی پالیسیوں کو عالمی سطح پر سراہا جا رہا ہے٬ ساختہ جاتی اصلاحات‘ ٹیکس کی بنیاد کی وسعت‘ غیر ملکی زرمبادلہ کے ذخائر میں اضافہ‘ مہنگائی میں کمی لانے اور توانائی کی کمی پر قابو پانے کے اقدامات نمایاں ہیں۔ انہوں نے کہا کہ گزشتہ تین سالوں کے دوران تمام بڑے اقتصادی اشاریوں نے نمایاں بہتری دکھائی ہے‘ ہم سمجھتے ہیں کہ پاکستان اب کاریک ممالک کے درمیان اقتصادی تعاون کو بڑھانے میں اہم کردار ادا کر سکتا ہے۔ انہوں نے کہا کہ علاقائی اقتصادی نمو کو مزید بڑھانے کیلئے ہم بڑے اقتصادی ترقیاتی پروگراموں پر عمل پیرا ہیں٬ سی پیک کا منصوبہ وسطی ایشیاء‘ مشرق وسطیٰ اور افریقہ کے مابین رابطہ کاری کا بھرپور مواقع فراہم کرتا ہے۔ وزیر خزانہ نے کہا کہ چین پاکستان اقتصادی راہداری ہمارے خطے کی اقتصادی ترقی میں فیصلہ کن کردار ادا کرے گی۔ انہوں نے کہا کہ کاریک کی ٹرانسپورٹ اور تجارت سے متعلق سہولیاتی حکمت عملی مواصلات‘ ٹرانسپورٹ اور تجارت کے منصوبوں کے موثر نفاذ کا پلیٹ فارم فراہم کرتی ہے۔ انہوں نے کہا کہ جب کاریک کی 6 راہداریاں اور بڑی بندرگاہیں عالمی منڈیوں تک رسائی فراہم کرنا شروع کریں گی تو اس سے وہ خدمات میسر ہوں گی جو قومی اور علاقائی مسابقت یا پیداواریت‘ روزگار‘ نقل و حمل اور ماحولیاتی پائیداریت کیلئے بہت اہم ہوں گی۔ اسحاق ڈار نے ٹرانزٹ ٹریڈ کی راہ میں حائل رکاوٹوں کا ذکرکرتے ہوئے کہا کہ اس حوالے سے قومی اور علاقائی کوآرڈینیشن کے میکنزم کی تیاری کانفرنس کا ترجیحی شعبہ ہوگا۔ انہوں نے کہا کہ کاریک کے تمام رکن ممالک ترقی پذیر ہیں اور ان کی توانائی کی ضروریات سے تیزی سے اضافہ ہو رہا ہے اس سلسلے میں وسطی ایشیائی ممالک کے قدرتی وسائل علاقائی تعاون کے لئے بڑا موقع فراہم کرتے ہیں۔ اس موقع پر انہوں نے کاریک انرجی سٹریٹجی کی تفصیلات بھی پیش کیں۔ انہوں نے کاریک پروگرام پر اب تک کی پیشرفت پر اطمینان کا اظہار کرتے ہوئے کہا کہ جاری منصوبوں کی بروقت تکمیل کے لئے تمام پارٹنر ممالک اور کثیر الجہتی ادارہ جاتی شراکت دار باہمی تعاون کے ساتھ کام کی رفتار تیز کریں۔ انہوں نے اس یقین کا اظہار کیا کہ کاریک کی کامیابی سے ہمارے لوگوں اور مستقبل کی نسلوں کی زندگیوں پر مثبت اثرات مرتب ہوں گے۔ وسط ایشیائی علاقائی اقتصادی تعاون (کاریک)کی 15 ویں وزارتیکانفرنس سے خطاب کر تے ہوئے انہوں نے کہا کہ کاریک کے وجود میں آنے کے بعد سے اب تک ٹرانسپورٹ اور انفراسٹرکچر سمیت 174 منصوبے مکمل کئے گئے ہیں جن پر تقریبا 29 ارب ڈالر کی لاگت آئی ہے۔انہوں نے ایشیائی ترقیاتی بنک کی جانب سے کاریک کے منصوبوں میں تعاون فراہم کرنے کی یقین دہانی کرائی اور کہا کہ کاریک کے رکن ممالک میں شرح نمو بڑھانے کیلئے جامع اقدامات کی ضرورت ہے۔ انہوں نے کہا کہ ایشیائی ترقیاتی بنک نے انفراسٹرکچر کے منصوبوں میں فنانسنگ کو بڑھانے کیلئے ایشین انفراسٹرکچر اینڈ انویسٹمنٹ بنک کو بھی معاونت فراہم کی ہے جس سے خطے میں شرح نمو کو فروغ دینے میں مدد ملے گی۔ ایشیائی ترقیاتی بنک کے صدر نے کہا کہ اگرچہ اس خطے کو بہت سے چیلنجز درپیش ہیں تاہم کاریک ممالک کی مشترکہ کوششوں سے ان مسائل پر قابو پایا جا سکتا ہے۔ اس موقع پر انہوں نے جارجیا کی کاریک تنظیم میں شمولیت کا خیرمقدم کیا۔ وسط ایشیائی علاقائی اقتصادی تعاون (کاریک)کی 15 ویں وزارتی کانفرنس کے افتتاحی سیشن میںوفاقی وزراء٬ ارکان پارلیمنٹ٬ کاریک ممالک کے مندوبین٬ علاقائی اور بین الاقوامی اداروں کے نمائندوں٬ سفارتکاروں اور سینئر سرکاری حکام نے بھی شرکت کی۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.