عمران خان اپنی ناقص کارکردگی بہتر بنانے کی بجائے وکٹیں اکھاڑنا چاہتے ہیں٬ڈاکٹر آصف کرمانی

عمران پورس کا وہ ہا تھی ہے جو اپنے ہی شہریوں کو روندنا چاہتا ہے٬ 2 نومبر کو بنی گالہ کے شہزادے کی سیاست کا مکمل خاتمہ ہو جائیگا٬ معاون خصوصی وزیراعظم

بدھ 26 اکتوبر 2016 14:13

اسلام آباد (اُردو پوائنٹ اخبارتازہ ترین - این این آئی۔ 26 اکتوبر2016ء) وزیراعظم کے معاون خصوصی ڈاکٹر آصف کرمانی نے کہا ہے کہ عمران خان اپنی ناقص کارکردگی بہتر بنانے کی بجائے وکٹیں اکھاڑنا چاہتے ہیں٬عمران پورس کا وہ ہا تھی ہے جو اپنے ہی شہریوں کو روندنا چاہتا ہے٬ 2 نومبر کو بنی گالہ کے شہزادے کی سیاست کا مکمل خاتمہ ہو جائیگا۔

(جاری ہے)

ایک بیان میں وزیراعظم کے معاون خصوصی ڈاکٹر آصف کرمانی نے کہا ہے کہ اسلام آباد کے شہری٬ وکلا٬ علماء ٬ سول سوسائٹی ٬ انسانی حقوق کی تنظیمیں٬ تاجر برادری٬ اساتذہ ٬ اور دیگر مکتبہ فکر کے لوگ عمران خان کی اسلام آباد پر حملہ آورہونے کے غیر آئینی اور غیر قانونی اقدام کو ناپسندیدگی کی نگاہ سے دیکھتے ھیں۔

انہوں نے کہا کہ عمران خان اپنی ناقص کارکردگی بہتر بنانے کی بجائے وکٹیں اکھاڑنا چاھتے ہیں۔ انہوں نے کہا کہ عمران خان پورس کا وہ ہا تھی ھے جو اپنے ہی شہریوں کو روندنا چاہتا ہے۔ معاون خصوصی نے کہا کہ 2 نومبر کو اسلام آباد عمران خان کیلئے واٹر لو ثابت ھو گا اور بنی گالہ کے شہزادے کی سیاست کا مکمل خاتمہ ہو جائیگا۔ انہوں نے کہا کہ قوم سانحہ کوئٹہ کے سوگ میں ڈوبی ہوئی ہے اور عمران خان اسلام آباد بند کرنے اور شہریوں کو اذیت دینے کے جنون میں مبتلا ہیں۔