ایشیائی ترقیاتی بینک بنیادی ڈھانچہ٬ سڑکوں٬ ریلوے٬ بندرگاہوں کی سہولیات اور توانائی کے شعبہ میں پاکستان کی ترقیاتی امداد بڑھانے پر غور کر رہا ہے
ایشیائی ترقیاتی بینک کے صدر کی وزیر خزانہ سینیٹر اسحاق ڈار سے گفتگو
منگل 25 اکتوبر 2016 22:13
اسلام آباد ۔ (اُردو پوائنٹ اخبارتازہ ترین - اے پی پی۔ 25 اکتوبر2016ء) ایشیائی ترقیاتی بینک کے صدر تاکے ہیکو گوکائو نے کہا ہے کہ پاکستان کی مضبوط اقتصادی صورتحال اور شرح نمو کی رفتار کی بنیاد پر ایشیائی ترقیاتی بینک بنیادی ڈھانچہ٬ سڑکوں٬ ریلوے٬ بندرگاہوں کی سہولیات اور توانائی کے شعبہ میں پاکستان کی ترقیاتی امداد بڑھانے پر غور کر رہا ہے۔
انہوں نے ان خیالات کا اظہار منگل کو یہاں وزیر خزانہ سینیٹر اسحاق ڈار سے ملاقات کے دوران کیا۔ وزیر خزانہ نے اس موقع پر ایشیائی ترقیاتی بینک کے صدر کو دوسری مدت کیلئے بینک کا صدر نامزد ہونے پر مبارکباد دی۔ ایشیائی ترقیاتی بینک کے صدر نے اس موقع پر کوئٹہ میں دہشت گردی کے واقعہ میں شہید ہونے والوں کیلئے تعزیت کا اظہار کیا۔(جاری ہے)
انہوں نے کہا کہ اس طرح کے واقعات افسوسناک ہیں لیکن دنیا دہشت گردی کے خاتمہ کیلئے پاکستان کی حکومت اور عوام کی جرأت اور حوصلہ کو تسلیم کرتی ہے۔
وزیر خزانہ نے ایشیائی ترقیاتی بینک کے صدر کو پاکستان میں اصلاحات کے عمل اور معیشت کو بہتر بنانے کیلئے حکومت کی حکمت عملی کی تفصیلات سے آگاہ کیا۔ ایشیائی ترقیاتی بینک کے صدر نے وزیر خزانہ کو آئی ایم ایف پروگرام کے تحت اہم اصلاحات کرنے پر مبارکباد دی۔ انہوں نے کہا کہ آئی ایم ایف کے تین سالہ پروگرام کی تکمیل سے اقتصادی استحکام کیلئے پاکستان کے عزم کا اظہار ہوتا ہے۔ انہوں نے کہا کہ زرمبادلہ کے بلند ترین ذخائر٬ افراط زر کی شرح میں 10 فیصد سے کمی اور بلند شرح نمو کی وجہ سے ایشیائی ترقیاتی بینک پاکستان کو ایک ممتاز ترقیاتی شراکت دار تصور کرتا ہے۔ وزیر خزانہ نے کہا کہ حکومت توانائی اور بنیادی ڈھانچہ کی ترقی پر توجہ مرکوز کئے ہوئے ہے۔ انہوں نے ایشیائی ترقیاتی بینک سے کہا کہ وہ بنیادی ڈھانچہ کی ترقی کے منصوبوں میں شراکت دار کے طور پر کام کرے۔ وزیر خزانہ نے امید ظاہر کی کہ وسط ایشیائی علاقائی تعاون کی وزارتی کانفرنس سے رکن ممالک کو وسطی ایشیاء کے خطہ میں اقتصادی تعاون بڑھانے میں مدد ملے گی۔مزید قومی خبریں
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
صوبائی وزیر صنعت و تجارت چوہدری شافع حسین کا رایہ گولف اینڈ کنٹری کلب ڈیفنس کا دورہ
-
جعلی ادویات کی فروخت میں ملوث میڈیکل اسٹور منیجر گرفتار
-
کچھ لوگ جعلی حلقہ بندیوں اور ووٹر لسٹ کے باعث مسلط ہیں، خالد مقبول
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کا اسلام آباد میں چینی سفارت خانے کے دورے کے موقع پر گفتگو
-
لاہور ہائیکورٹ کا واسا کی اجازت کے بغیر لگنے والے ٹیوب ویلز کو سیل کرنے کا حکم
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.