وزیر اعلیٰ سندھ کی سیکریٹری تعلیم کی آغا خان ہسپتال جاکر عیادت

منگل 25 اکتوبر 2016 22:13

کراچی ۔ (اُردو پوائنٹ اخبارتازہ ترین - اے پی پی۔ 25 اکتوبر2016ء) وزیر اعلیٰ سندھ سید مراد علی شاہ نے سیکریٹری تعلیم فضل اللہ پیچوہو سے آغا خان ہسپتال جاکر ان کی عیادت کی۔ وزیر اعلیٰ سندھ نے فضل اللہ پیچوہو سے ان کی والدہ کے انتقال پر گہرے دکھ اور افسوس کا بھی اظہار کیا۔

(جاری ہے)

جاری کردہ اعلامیہ کے مطابق اس موقع پر امتیاز شیخ بھی موجود تھے٬ اس وقت فضل اللہ پیچوہو ڈینگی بخار میں مبتلا ہیں اور ان کی والدہ بھی ڈینگی بخار کے سبب انتقال کر گئیں ہیں۔ فضل اللہ پیچوہو کی شریک حیات ایم این اے عذرہ پیچوہو بھی ڈینگی سے متاثرہیں اور آغا خان ہسپتال میں زیر علاج ہیں۔