بلوچستان میں غیرملکی ایجنسیاں کام کررہی ہیں۔عمران خان
نوازشریف کو بلوچستان پر زیادہ توجہ دینی چاہیے،وزیراعلیٰ بلوچستان بتائیں کہ امن کیلئے مختص 30ارب روپے کہاں خرچ ہوئے،عمران خان کی سول ہسپتال کوئٹہ میں زخمیوں کی عیادت اورمیڈیا سے گفتگو
ثنااللہ ناگرہ منگل 25 اکتوبر 2016 18:23
کوئٹہ(اردوپوائنٹ اخبارتازہ ترین۔25اکتوبر2016ء) :پاکستان تحریک انصاف کے چیئرمین عمران خان نے کہاہے کہ بلوچستان میں غیرملکی ایجنسیاں کام کررہی ہیں، نوازشریف کو بلوچستان پر زیادہ توجہ دینی چاہیے،وزیراعلیٰ بلوچستان بتائیں کہ امن کیلئے مختص 30ارب روپے کہاں خرچ ہوئے،عمران خان نے سول ہسپتال کوئٹہ میں زخمیوں کی عیادت بھی کی۔انہوں نے کوئٹہ میں میڈیا سے گفتگو کرتے ہوئے کہا کہ نوازشریف کو باہرکے ممالک کی بجائے بلوچستان کے زیادہ دورے کرنے چاہیے تھے۔
جتنے دورے انہوں نے لندن کے کیے اتنے بلوچستان کے دورے کرلیتے تو بلوچستان میں امن قائم ہوجاتا۔انہوں نے کہا کہ آج کوئٹہ اس لیے آیاہوں کہ پاکستان آپ کے ساتھ کھڑا ہے۔عمران خان نے کہا کہ پاکستان 11سال سے دہشتگردی کا شکار ہے۔(جاری ہے)
بلوچستان میں امن کیلئے 30ارب روپے خرچ ہوتے ہیں۔وزیراعلیٰ بلوچستان بتائیں کہ یہ رقم کہاں خرچ کی گئی۔بلوچستان میں ناقص سکیورٹی کیوں ہے؟بھارت کا جاسوس بھی بلوچستان سے ہی پکڑا گیا تھا۔
بلوچستان میں باربار دہشتگردی ہورہی ہے،بھارتی جاسوس کا معاملہ کیوں عالمی برادری کے سامنے اٹھایا گیا۔انہوں نے کہا کہ ایم کیوایم اور بھارتی خفیہ ایجنسی کا گٹھ جوڑ ہے۔انہوں نے کہا کہ 2نومبرپاکستان کی تاریخ کا فیصلہ کن وقت ہے،ہمیں قائداعظم کا پاکستان بنانا ہے۔کیا کرپٹ مافیا ملک کو اسی طرح لوٹتا رہے گا۔عمران خان نے سول ہسپتال کوئٹہ میں زخمیوں کی عیادت بھی کی۔اس سے قبل انہوں نے اسلام آباد میں میڈیا سے گفتگو کرتے ہوئے کہا کہ کہ نوازشریف پاکستان کیلئے سکیورٹی رسک بن گئے ہیں،بلوچستان میں بھارتی مداخلت موجود ہے تو وزیراعظم نام کیوں نہیں لیتے؟بھارت پاکستان میں افراتفری پھیلانا چاہتا ہے،بھارت فوجی سطح پر ایٹمی پاکستان کو ختم نہیں کرسکتا۔انہوں نے کہا کہ بھارتی خفیہ ایجنسی کے الطاف حسین سے لنکس ثابت ہوگئے۔وزیراعظم نے کیوں یو این او کے فورم پر بات کی گئی؟جبکہ مودی پاکستان پر الزام لگانے کاکوئی موقعہ نہیں چھوڑتے،ابھی تو چین پاکستان کے ساتھ کھڑا ہے۔اگر وہ نہ ہوتا تو مودی پاکستان کو دہشتگرداسٹیٹ ڈکلیئر کروا دیتا۔بھارت کی نئی ڈاکٹرائن ہے کہ پاکستان میں امن نہ قائم ہو،پاکستان مستحکم نہ ہوسکے اور پاکستان میں کرپشن کبھی ختم نہ ہو۔لگتا ہے کوئٹہ حملہ بھارت کے پاکستان مخالف نظریے کا حصہ ہے۔اگر حملے کی پلاننگ افغانستان میں ہورہی ہے اس کا مطلب بھارت کا ہاتھ ہے۔انہوں نے کہاکہ آرمی چیف نے سچ کہا کہ کرپشن اور دہشتگردی کا گٹھ جوڑ ہے۔انہوں نے کہا کہ کرپشن کے ذریعے دہشتگردوں کی مالی معاونت ہورہی ہے۔نوازشریف حکومت کا کام صرف پاناما لیکس میں کرپشن سے بچانا ہے۔پاناما لیکس میں نوازشریف پر الزامات نہیں بلکہ ثبوت ہیں۔عمران خان نے کہا کہ جو بھی سکیورٹی لیکس ہوئی ہیں ان لوگوں کے تاحال نام سامنے کیوں نہیں آئے۔انہوں نے کہاکہ سکیورٹی لیکس کرنے والوں کے نام سامنے آنے چاہئیں۔انہوں نے کہا کہ جب بھی احتجاج کرتے ہیں حالات خراب ہوجاتے ہیں۔لیکن اسلام آباد دھرنا کسی بھی صورت ملتوی نہیں کای جائے گا۔طاہرالقادری کو دھرنے میں شرکت کی دعوت دی ان کے 14لوگ مارے گئے تھے۔مزید اہم خبریں
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
-
ٹی ایل پی پر پابندی سے متعلق انٹیلی جنس کی کوئی رپورٹ صوبائی حکومت سے شیئر نہیں کی گئی تھی، شہبازشریف
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.