دھونی اور گنگولی کا ریکارڈ ٹوٹ گیا٬ مصباح الحق زیادہ ٹیسٹ سیریز جیتنے والے ایشیا کے پہلے کپتان بن گئے

منگل 25 اکتوبر 2016 17:45

دھونی اور گنگولی کا ریکارڈ ٹوٹ گیا٬ مصباح الحق زیادہ ٹیسٹ سیریز جیتنے ..

ابوظہبی ۔ (اُردو پوائنٹ اخبارتازہ ترین - اے پی پی۔ 25 اکتوبر2016ء) پاکستان کے مصباح الحق زیادہ ٹیسٹ سیریز جیتنے والے ایشیا کے پہلے کپتان بن گئے٬ مصباح نے پاکستان کی کالی آندھی کے خلاف دوسرے ٹیسٹ میں شاندار فتح کے ساتھ یہ سنگ میل عبور کیا٬ مصباح کی زیر قیادت پاکستانی ٹیم نے مجموعی طور پر دسویں ٹیسٹ سیریز جیتنے کا اعزاز حاصل کیا ہے٬ اس کے ساتھ ہی مصباح نے بطور کپتان زیادہ ٹیسٹ سیریز جیتنے کا بھارت کے سارو گنگولی اور مہندرا سنگھ دھونی کا ریکارڈ بھی توڑ دیا٬ گنگولی اور دھونی کی زیر قیادت بھارتی ٹیم نے نو٬ نو ٹیسٹ سیریز جیت رکھی تھیں۔

(جاری ہے)

مصباح الحق نے 2010ء میں ٹیم کی قیادت سنبھالی تھی٬ چھ برس کے دوران ان کی قیادت میں گرین شرٹس نے مجموعی طور پر مختلف ٹیموں کے خلاف 20 ٹیسٹ سیریز کھیلیں جس میں سے پاکستان نے دس جیتیں٬ تین ہاریں جبکہ سات سیریز ڈرا رہیں۔

متعلقہ عنوان :