Live Updates

کان کھول کر سن لیں 2نومبر کو چاہے جو بھی ہوجائے دھر نا ہوکر رہے گا٬ عمران خان

وزیراعظم اپنی کرپشن چھپائیں یا ملک کا دفاع کریں٬نوازشریف نے جنرل اسمبلی میں کلبھوشن یادیو کا معاملہ کیوں نہیں اٹھایا٬ملک کے میر صادق اور میر جعفر کو سامنے کیوں نہیں لایا جاتا٬ملک میں دہشتگردی اور کرپشن کا گٹھ جوڑ ہے٬نوازشریف ایم کیو ایم ’’را‘‘ سے تعلقات پر بات کیوں نہیں کرتے٬آرمی چیف بھی بار بار کہہ چکے ہیں دہشتگردی اور کرپشن کا گٹھ جوڑ ہے٬حکومت تحریک انصاف کیخلاف پروپیگنڈا کر رہی ہے چیئرمین تحریک انصاف عمران خان کی بنی گالہ میں میڈیا سے گفتگو

منگل 25 اکتوبر 2016 15:01

اسلام آباد(اُردو پوائنٹ اخبارتازہ ترین - آئی این پی۔ 25 اکتوبر2016ء) چیئرمین تحریک انصاف عمران خان نے کہا ہے کہ کان کھول کر سن لیں 2نومبر کو چاہے جو بھی ہوجائے دھر نا ہوکر رہے گا٬وزیراعظم اپنی کرپشن چھپائیں یا ملک کا دفاع کریں٬نوازشریف نے جنرل اسمبلی میں کلبھوشن یادیو کا معاملہ کیوں نہیں اٹھایا٬ملک کے میر صادق اور میر جعفر کو سامنے کیوں نہیں لایا جاتا٬ملک میں دہشتگردی اور کرپشن کا گٹھ جوڑ ہے٬نوازشریف ایم کیو ایم ’’را‘‘ سے تعلقات پر بات کیوں نہیں کرتے٬آرمی چیف بھی بار بار کہہ چکے ہیں دہشتگردی اور کرپشن کا گٹھ جوڑ ہے٬حکومت تحریک انصاف کیخلاف پروپیگنڈا کر رہی ہے۔

منگل کو چیئرمین تحریک انصاف عمران خان نے بنی گالہ میں میڈیا سے گفتگو کرتے ہوئے کہا کہ کوئٹہ دھماکے میں وکلاء شہید ہوئے اس کا کیا نتیجہ نکلا ملوث کون تھا وزیراعظم بھی کوئٹہ گئے ہیں٬میں بھی کوئٹہ جارہا ہوں٬کوئٹہ پولیس ٹریننگ کالج میں ہونے والا واقعہ افسوسناک ہے٬نوازشریف نے بلوچستان میںبھارتی مداخلت کر ہرفورم پر کیوں نہیں اٹھایا۔

(جاری ہے)

عمران خان نے کہا کہ مودی پاکستان کیخلاف بات کرنے کیلئے کوئی فورم نہیں چھوڑتے٬نوازشریف نے اقوام متحدہ میں کلبھوشن کا معاملہ کیوں نہیں اٹھایا٬نوازشریف پاکستان کیلئے سیکیورٹی رسک بن گئے ہیں٬ملک کے میر جعفر اور میر صادق کو سامنے کیوں نہیں لایا جاتا٬دہشتگردی اور کرپشن جڑے ہوئے ہیں٬سانحہ سول اسپتال کے بعد حکومت نے کیا کیا٬موجودہ حالات میں نوازشریف پاکستان کیلئے بڑے سیکیورٹی رسک بن چکے ہیں۔

انہوں نے کہا کہ بھارت فوجی سطح پر ایٹمی پاکستان کو ختم نہیں کرسکتا٬جب ہم کچھ کرنے لگتے ہیں توکچھ نہ کچھ ہونے لگ جاتا ہے٬وزیراعظم نوازشریف کو اپنی کرپشن بچانے کی پڑ گئی ہے٬وزیراعلیٰ بلوچستان کہتے ہیں کہ بھارت دہشتگردی میں ملوث ہے٬نوازشریف ایم کیو ایم کے ’’ را ‘‘ سے تعلقات پر بات کیوں نہیں کرتے٬حکومت صرف وزیراعظم کو پانامہ الزامات سے بچانے میں لگی ہوئی ہے٬سیکیورٹی لیکس میں ملوث لوگوں کے نام کیوں سامنے نہیں لائے گئے٬بھارت پاکستان میں افراتفری پھیلانا چاہتا ہے۔

عمران خان نے کہا کہ ملک میں کرپشن ختم ہوگئی تو ملک آگے بڑھے گا٬میر جعفر اور میر صادق بھارت کی زبان بول رہے ہیں٬2نومبر کو چاہے کچھ بھی ہوجائے کسی صورت میں دھرنا نہیں روکیں گے٬آرمی چیف بھی بار بار کہہ چکے ہیں دہشتگردی اور کرپشن کا گٹھ جوڑ ہے٬لوگوں کو دھرنے میں شرکت سے ڈرایا جارہا ہے٬کرپشن کے ذریعے دہشتگردوں کی مالی معاونت ہورہی ہے٬وزیراعظم خود کو بچائیں یا ملکی مفاد دیکھیں٬نیشنل ایکشن پلان پر عملدرآمد کیوں نہیں ہورہا٬کان کھول کر سن لیں٬دھرنا ملتوی نہیں ہوگا جو بھی ہوجائے۔

اس موقع پر شاہ محمود قریشی نے کہا کہ حکومت تحریک انصاف کیخلاف پروپیگنڈہ کر رہی ہے٬دھرنے کیلئے کسی جہادی تنظیم سے رابطہ نہیں کیا٬دفاع پاکستان کونسل اور شہدا فائونڈیشن کو دعوت نہیں دی گئی۔(خ م)
Live پاکستان تحریک انصاف سے متعلق تازہ ترین معلومات