عرب اتحادی فوج نے مآرب میں بیلسٹک میزائل مار گرایا

پیر 24 اکتوبر 2016 19:50

صنعائ(اُردو پوائنٹ اخبارتازہ ترین - آن لائن۔ 24 اکتوبر2016ء) سعودی عرب کی قیادت میں یمن میں آئینی حکومت کی بحالی اور سرکاری اداروں پر ایران نواز باغیوں کے قبضے کے خاتمے کے لیے جاری آپریشن کے دوران باغیوں کے متعدد ٹھکانوں پر فضائی حملے دوبارہ شروع کردیے گئے ہیں۔ ادھر یمن کے صوبہ مآرب کی طرف داغے گئے ایک بیلسٹک میزائل کو بھی فضائ ہی میں مار گرایا گیا ہے۔

(جاری ہے)

غیر ملکی خبر رساں ادارے کے مطابق حوثی باغیوں کی جانب سے مآرب کی طرف بیلسٹک میزائل داغا گیا تھا مگر اتحادی فوج نے میزائل کو ہدف تک پہنچنے سے پہلے ہی مار گرایا ہے۔ ہفتے کی رات سے حوثی باغیوں کے ٹھکانوں پر اتحادی فوج نے بمباری شروع کردی تھی۔ یہ بمباری اس وقت شروع کی گئی تھی جب حکومت اور اقوام متحدہ کی طرف سے کی گئی تین روزہ جنگ بندی کی مہلت ختم ہوگئی تھی۔

Facebook Twitter Google + Share on Whatsapp

عرب اتحادی فوج نے مآرب میں بیلسٹک میزائل مار گرایا

متعلقہ عنوان :

مزید بین الاقوامی خبریں