دونومبرکوکشتیاں جلاکراسلام آبادپہنچیں گے۔عمران خان
ڈاکوؤں کے کپتان نوازشریف سے 2نومبرکوٹاس کرونگا،یہ میچ پاکستان کے مستقبل کا میچ ہوگا،احتجاج ہمارا آئینی حق ہے اگر غیر آئینی حرکت ہوئی تو شریف برادران اور پولیس خود ذمہ دار ہوگی،شریف برادران پہلے تو جدہ چلے گئے تھے اب جدہ نہیں جاسکیں، نوازشریف کو اب تلاشی یا استعفیٰ دینا ہی ہوگا۔چیئرمین پی ٹی آئی کا مالاکنڈمیں عوامی جلسہ سے خطاب
ثنااللہ ناگرہ پیر 24 اکتوبر 2016 16:10
مالاکنڈ(اردوپوائنٹ اخبارتازہ ترین۔24اکتوبر2016ء) :پاکستان تحریک انصاف کے چیئرمین عمران خان نے کہا ہے کہ ڈاکوؤں کے کپتان نوازشریف سے 2نومبرکوٹاس کرونگا،یہ میچ پاکستان کے مستقبل کا میچ ہوگاجس میں فیصلہ ہوگا کہ یہ پاکستان قائداعظم کا ہے یاڈاکوؤں کا ہے،پنجاب پولیس سے کہتا ہوں کہ ہمارااحتجاج پرامن ہوگا،احتجاج ہمارا آئینی حق ہے آپکو کسی قسم کی غیر آئینی حرکت نہ کرنا اگر کیا تو شریف برادران اور پولیس خود ذمہ دار ہوگی،شریف برادران پہلے تو جدہ چلے گئے تھے اب جدہ نہیں جاسکیں، نوازشریف کو اب تلاشی یا استعفیٰ دینا ہی ہوگا۔
انہوں نے آج یہاں مالاکنڈمیں عوامی جلسہ سے خطاب کرتے ہوئے کہا کہ میری زندگی کے 21سال کھیلوں کی گراؤنڈزمیں گزرے،بڑے بڑے مشکل میچ کھیلے،ہندوستان میں انکے ایمپائروں کے باوجودمیچ جیتا،انگلینڈ اور ویسٹ انڈیز گئے تو سرخرو ہوکرآئے۔(جاری ہے)
ایک اطرف میری ٹیم پاکستان کا نوجوان،پی ٹی آئی کے کارکن،مزدور،کسان،خواتین اور محنت کش جو کہ انصاف چاہتے ہیں۔
جبکہ دوسری طرف مخالف ٹیم جس میں ڈاکوؤں کا کپتان نوازشریف جس سے میں ٹاس کروں گا۔جبکہ وائس کپتان اسفندیارایزی لوڈنمبر دو جبکہ تیسرا آصف زرداری ملک کیلئے بڑی بیماری ہے،چوتھا مولانا فضل الرحمن اور اچکزئی ہیں۔مالاکنڈ ڈویثرن میں ایک آدمی ہے وہ کون ہے؟جو دس سال پہلے ایک کنٹریکٹر تھا وہ امیر مقام ہے جو اربوں پتی ہے۔جبکہ اکرم درانی بھی کرائے کے مکان میں رہتا تھا وہ بھی ارب پتی ہے،یہ بھی فیلڈ میں آئے گا۔یہ سب نوازشریف کی ٹیم کا حصہ ہونگے۔انہوں نے کہا کہ میچ پاکستان کے مستقبل کا میچ ہوگا۔اس میں فیصلہ ہوگا کہ یہ پاکستان قائداعظم کا یا ڈاکوؤں کا ہے۔انہوں نے کہا کہ ایسا پاکستان بنائینگے جہاں عمران خان نہ کسی کے سامنے کبھی جھکا اور نہ قوم جھکے گی۔علامہ اقبال کا پاکستان بنائینگے دوقومی نظریہ والا پاکستان بنائینگے۔جہاں عدل وانصاف ہوگا۔اللہ نے پاکستان کو بارہ موسم دیے،نعمتوں سے نوازا ہے۔لیکن ایک ملک کا حکمران خود بھی پیسہ باہر لیکر جائے اور باہر چوری کا پیشہ پاکستان میں بھی نہ لاسکے تو اس ملک کا مستقبل کیا ہوگا؟مستقبل تب ہوگا،جب ادارے غیرجانبدار ہوں،سکولوں اور ہسپتالوں میں پرائیویٹ والوں جیسی سہلوتیں ملیں۔پاکستان ایک نظریے کے تحت بنا تھا،کشتیاں جلا کراسلام آباد پہنچیں گے۔انہوں نے کہا کہ 10لاکھ لوگ اسلام آباد لیکر جائینگے۔جب اتنے لوگ ہونگے تو پھر حکومت نہیں چل سکے گی۔نوازشریف آپ کو تلاشی یا پھر استعفیٰ دینا ہوگا۔عمران خان نے کہاکہ انہوں نے دھمکیاں دیں کہ ہم احتجاج نہیں ہونے دینگے۔لیکن پنجاب پولیس کو پیغام دینا چاہتا ہوں۔خیبرپختونخواہ کی پولیس نے کسی کا کبھی پرامن احتجاج نہیں روکاتو آپ کو بھی پیغام دینا چاہتا ہوں کہ یہ ہمارا آئینی حق ہے آپکو کسی قسم کی غیر آئینی حرکت نہ کرنا اگر کیا تو شریف برادران اور پولیس خود ذمہ دار ہوگی۔اگر کچھ کیا تو شریف برادران سے کہتا ہوں کہ پہلے تو آپ جدہ چلے گئے تھے اب جدہ نہیں جاسکیں۔ نوازشریف کو اب تلاشی یا استعفیٰ دینا ہی ہوگا۔اسلام آباد کے لوگوں کو فکر کرنے کی ضرورت نہیں۔ڈپلومیٹ کو کسی قسم کی فکر کی ضرورت نہیں،ایمبولینسزکو بھی جگہ دینگے۔جانوروں کے حقوق نہیں انسانوں کے حقوق ہوتے ہیں۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.