ڈونلڈ ٹرمپ کے اپنے ہی ملازمین نے ان کی حمایت کرنے سے انکار کر دیا

واشنگٹن(اُردو پوائنٹ اخبارتازہ ترین - آئی این پی۔ 24 اکتوبر2016ء) ری پبلکن صدارتی امیدوار ڈونلڈ ٹرمپ کے اپنے ہی ملازمین نے ان کی حمایت کرنے سے انکار کر دیا ۔غیر ملکی میڈیا کے مطابق ری پبلکن صدارتی امیدوار ڈونلڈ ٹرمپ کے امریکا سمیت دنیا بھر میں اربوں کے اثاثے ہیں تاہم حال ہی میں سوشل میڈیا پر جاری ہونے والی ایک ویڈیو میں ٹرمپ کے امریکا میں موجود ہوٹلز کے ملازمین کے انٹرویوز نشر کئے گئے ہیں٬ جس میں انہوں نے ٹرمپ کی حمایت سے انکار کیا ہے۔

ٹرمپ کے ملازمین کے بیانات ایک طرف مگر یہ بھی ایک حقیقت ہے کہ ٹرمپ نے امریکا بھر میں لاکھوں افراد کو روز گار فراہم کیا جبکہ غیر قانونی امیگرنٹس کو بھی اپنے ہوٹلز اور دیگر جگہ ملازمتیں فراہم کیں۔دوسری جانب امریکی صدارتی امیدوارڈونلڈ ٹرمپ نے ان پر الزامات لگانے والی خواتین کے خلاف انتخابات کے بعد قانونی کارروائی کی دھمکی دی ہے۔

(جاری ہے)

ڈونلڈ ٹرمپ کا کہنا ہے کہ الزامات لگانے والی خواتین جھوٹی اور میری مہم کو نقصان پہنچانا چاہتی ہیں٬ الیکشن کے بعد ان پر ہرجانے کا مقدمہ کروں گا۔یاد رہے کہ امریکی اداکارہ سلمی ہائیک اور فلم اسٹار جیسکا ڈریک نے صدارتی امیدوار ڈونلڈ ٹرمپ کے کرتوتوں سے پردہ اٹھایا۔جیسیکا ڈریک نے بتایا کہ ایک دہائی پہلے گالف کورٹ میں ٹرمپ کی پیشکش پر سخت مزاحمت کرنا پڑی تھی٬ ڈونلڈ ٹرمپ نے ملاقات کے لیے لالچ دی تھی٬ ڈنر کے بدلے دس ہزار ڈالر اور ذاتی جہاز کی پیشکش کی گئی تھی۔

جیسیکا ٬ اداکارہ سلمی ہائیک اور ہوٹل ویٹرس سمیت دس خواتین ٹرمپ پر ناروا رویے کیالزامات عائد کر چکی ہیں۔واضح رہے کہ امریکا میں صداتی انتخاب 8 نومبر کو ہونگے تاہم ڈونلڈٹرمپ کی خواتین سیمتعلق اخلاق سے گری ہوئی گفتگو کی ویڈیو منظر عام پر آنے کے بعد ٹرمپ کو مشکلات کا سامنا ہے٬ ٹرمپ کی اپنی جماعت کے متعدد رہنماں نے ٹرمپ کی حمایت سے دستبرداری کا اعلان کردیا ہے۔