البرکہ بنک نے بالآخر برج بنک خرید لیا

سمیرا فقیرحسین پیر 24 اکتوبر 2016 14:31

اسلام آباد (اُردو پوائنٹ تازہ ترین اخبار۔24 اکتوبر 2016ء) : البرکہ بنک نے بالآخر برج بنک کو خرید لیا ہے۔ تفصیلات کے مطابق البرکہ بنک نے برج بنک کو اس کی شاخوں ، آپریشنز، گاہکوں، ڈیپازٹس اور قرضوں سمیت خرید لیا ہے۔ جس کے تحت برج بنک کے تمام اثاثہ جات اور آپریشنز البرکہ بنک میں ضم ہو گئے ہیں۔ جبکہ البرکہ بنک کے اس اقدام کا یکم نومبر 2016ء سے مؤثر ہونے کا قوی امکان ہے ۔

(جاری ہے)

برج بنک کے اثاثہ جات میں 74 شاخیں اور گاہکوں اور ملازمین کے علاوہ 20 بلین روپے سے زائد ڈیپازٹس شامل ہیں۔ برج بنک کے حصول کے بعد اب البرکہ بنک کی ملک کے 100 شہروں میں 224 شاخیں ہوں گی۔ جن کے ذخائر کی قیمت 110 بلین روپے سے بھی زیادہ ہیں۔ البرکہ بنک کا پیڈ اپ سرمایہ 8 ارب روپے سے بڑھ کر 12 ارب روپے ہو گیا ہے، جبکہ اس نے برج بنک کے 25 ارب روپے کے واجبات اور 450 ملین روپے کے نقصانات کو بھگتنا ہے۔

Facebook Twitter Google + Share on Whatsapp

البرکہ بنک نے بالآخر برج بنک خرید لیا

متعلقہ عنوان :

مزید اہم خبریں