اسٹیٹ بنک نے دس روپے کا سکہ جاری کر دیا ٬سکہ مارکیٹ میںدستیاب

سکہ پاکستان منٹ فیکٹری سے تیار کرایا گیا

پیر 24 اکتوبر 2016 12:16

کراچی(اُردو پوائنٹ اخبارتازہ ترین - آن لائن۔ 24 اکتوبر2016ء) اسٹیٹ بنک نے دس روپے کا سکہ جاری کر دیا اسٹیٹ بینک کے اعلامیہ کے مطابقدس روپے کا سکہ مارکیٹ میں اگیا ہے ۔ اس سے پہلے ایک٬ دو اور پانچ روپے کے نوٹ کا استعمال بند کیا جا چکا ہے۔ دس روپے کا نوٹ بھی رفتہ رفتہ تاریخ کا حصہ بن جائے گا۔ زرد رنگ کے دس روپے کے سکے کا وزن ساڑھے پانچ گرام ہے۔

(جاری ہے)

اس کے سامنے کے رخ پر وسط میں بڑھتا ہوا ہلال اور پانچ نوکوں کا ابھرتا ہوا ستارہ ہے جبکہ پچھلے رخ پر فیصل مسجد بنی ہوئی ہے۔ جس پر فاختائیں اڑتی نظر آرہی ہے۔ دیگر سکوں کی طرح دس روپے کا سکہ بھی لاہور میں واقع پاکستان منٹ فیکٹری سے تیار کرایا گیا ہے۔ اسٹیٹ بینک کی جانب سے ایک ارب دس کروڑ روپے مالیت کے سکوں کا آرڈر دیا گیا ہے۔ ماہرین کے مطابق سکوں کو فروغ دینے کی وجوہات اس پر کم لاگت آنا ہے۔ اس کی عمر بھی پچیس سے چالیس سال ہوتی ہے جبکہ اس کے مقابلے میں کرنسی نوٹ صرف چند ماہ میں بوسیدہ ہوجاتا ہے اور اس کو تیار کرنے پر لاگت بھی زیادہ آتی ہے……