شہباز شریف سے مولانا فضل الرحمن کی ملاقات ٬سیاسی صورت حال پر تبادلہ

قوم پی ٹی آئی اے کے کسی جھانسے میں آئیں گے نہ ہی کسی تماشے کا حصہ بنیں گے ٬سربراہ جے یو آئی

اتوار 23 اکتوبر 2016 16:30

لاہور (اُردو پوائنٹ اخبارتازہ ترین - آن لائن۔ 23 اکتوبر2016ء) وزیراعلیٰ پنجاب محمد شہبازشریف نے کہا ہے کہ پاکستان باشعور عوام ترقی کے دشمنوں کا چہرہ پہچان چکے ہیں۔ ان خیالات کا اظہار انہوںنے جمعیت علماء اسلام (ف) کے سربراہ مولانا فضل الرحمن سے ایک ملاقات میں کیا۔

(جاری ہے)

جس میں باہمی دلچسپی کے امور اور دوطرفہ تعلقات پر تبادلہ خیال کیا گیا انہوںنے کہا کہ پاکستانی قوم اسلام آبباد میں2نومبر کو ہونے والے ایسے کسی تماشے کا حصہ نہیں بنے گی یہ اعلان غیر ضروری اورغیرآئینی ہے انہوں نے کہا کہ جب معاملہ سپریم کورٹ میں زیر سماعت ہے ایسے حالات میں دھرنے عداللت عظمیٰ پر دبائو ڈالنے کے مترادف ہے۔

ملاقات میں جے یو آئی (ف) کے سربراہ مولانا فضل الرحمن نے کہا کہ عمران خان اپنی پے درپے شکست کا بدلہ عوام سے نہ لیں عوام اب پی ٹی آئی کے کسی جھانسے میں نہیں آئیں گے مولانا فضل الرحمن نے کہا کہ عمران خان سیاسی طور پر بوکھلاہٹ کا شکار ہوچکے ہیں۔(اے ملک)