مادر جمہوریت ایک قدآور شخصیت تھیں٬ ا س نے نہایت بہادری سے بحرانوں کا مقابلہ کیا٬ نصرت بھٹو کی کی ہمت٬ بہادری٬ برداشت اور صبر کی مثال ملک میں جمہوریت پسندلوگوں کے لئے روشنی کا مینارا رہے گی

پیپلزپارٹی پارلیمنٹیرینز کے سربراہ آصف علی زرداری کا بیگم نصرت بھٹو کی پانچویں برسی کے موقع پر پیغام

ہفتہ 22 اکتوبر 2016 20:02

اسلام آباد(اُردو پوائنٹ اخبارتازہ ترین - آئی این پی۔ 22 اکتوبر2016ء) سابق صدرمملکت اور پاکستان پیپلزپارٹی پارلیمنٹیرینز کے سربراہ آصف علی زرداری نے مادر جمہوریت بیگم نصرت بھٹو کی پانچویں برسی کے موقع پر اپنے پیغام میں انہیں زبردست خراج عقیدت پیش کرتے ہوئے کہا کہ مادر جمہوریت ایک قدآور شخصیت تھیں٬ ایک ایسی خاتون تھیں جنہوں نے نہایت بہادری سے بحرانوں کا مقابلہ کیا اور سانحات سے گزریں لیکن جمہوری جدوجہد کرتے ہوئے مستقبل کی نسلوں کے لئے راستے روشن کر گئیں۔

(جاری ہے)

ان کی ہمت٬ بہادری٬ برداشت اور صبر کی مثال ملک میں جمہوریت پسندلوگوں کے لئے روشنی کا مینارا رہے گی۔ انہوں نے ذاتی طور پر سانحات کا سامنا کیا لیکن اس کے باوجود جمہوریت کے لئے ایک عظم الشان جدوجہد کی قیادت کی لیکن یہ انتہائی افسوسناک بات ہے کہ اب جبکہ ان کی کوششوں کے نتیجے میں ملک میں جمہوری نظام مضبوط ہو چکا ہے وہ ہمارے درمیان نہیں۔ انہیں یادکرنے اور انہیں خراج عقیدت پیش کرنے کا بہترین طریقہ یہ ہے کہ ملک میں جمہوری اداروں کو مضبوط کیا جائے اور جمہوریت کے خلاف کسی بھی کوشش پر نظر رکھی جائے۔ آصف علی زرداری نے بیگم نصرت بھٹو کی روح کے ایصال ثواب کے لئے دعا بھی کی۔