فاروق ستار اور مصطفی کمال کے بعد مئیر کراچی وسیم اختر نے بھی بانی ایم کیو ایم کو ملک کا غدار قرار دیدیا

ہفتہ 22 اکتوبر 2016 18:58

کراچی(اُردو پوائنٹ اخبارتازہ ترین - آئی این پی۔ 22 اکتوبر2016ء) سربراہ ایم کیو ایم فاروق ستار ور پی ایس پی رہنما مصطفی کمال کے بعد مئیر کراچی وسیم اختر نے بھی بانی ایم کیو ایم کو ملک کا غدار قرار دے دیا ہے٬ہفتہ کو جاری ہونے والی وسیم اختر کی دستخط شدہ جے آئی ٹی رپورٹ کے مطابق 12 مئی سے قبل بانی ایم کیو ایم نے حکومتی اداروں کے خلاف تقریر کی اور اس حوالے سے نائن زیرو پر بہت اجلاس ہوئے ٬انہوں نے کہا کہ قانون نافذ کرنے والے اداروں نی12 مئی سے قبل الرٹ جاری کردیا تھا اور اس وقت سیکیورٹی امور کو انچارج میں تھا اور کراچی میں پیش آنے والے سانحے پر افسو س ہے٬انہوں نے کہا کہ سانحہ12 مئی کے حوالے سے پولیس کو اختیارات نہ دینے سے متعلق پوچھے گئے سوالات کا جواب دینے سے گریز کیا٬جبکہ جے آئی ٹی رپورٹ میں وسیم اخترنے بانی ایم کو ملک کا غدار قرار دیتے ہوئے کہا کہ 22 اگست کو پاکستان مخالف تقریر کے بعد بانی ایم کیو ایم کے را کے ساتھ روابط کے حوالے سے تشویش ہوئی۔