پیمرا نے ٹی وی چینلز اور ایف ایم ریڈیوز کی مانیٹرنگ شروع کر دی

خلاف ورزی کی صورت میں سخت کاروائی ہو گی

جمعہ 21 اکتوبر 2016 22:03

اسلام آباد (اُردو پوائنٹ اخبارتازہ ترین - این این آئی۔ 21 اکتوبر2016ء) پیمرا نے سہ پہر 3بجے سے تمام سیٹلائٹ ٹی وی چینلزاور ایف ایم ریڈیوز کی مانیٹرنگ کا آغازکر دیا ہے۔ خلاف ورزی کی صورت میں فوری قانونی کاروائی کی جائے گی اور بغیر شو کاز نوٹس جاری کیے ٹی وی چینلز یا ایف ایم ریڈیوز کو بند کر دیا جائے گا۔

(جاری ہے)

اس سلسلہ میںملک بھر کے ڈسٹری بیوشن نیٹ ورکس ٬ تمام پیمرا ریجنل و سب آفیسز کو ضروری احکامات جاری کردیے گئے ہیں۔ یاد رہے کہ پیمرا نے دو روزقبل اعلامیہ جاری کیا تھا جس کے تحت 21اکتوبر2016ء سہ پہر 3 بجے کی ڈیڈ لائن کا اعلان کیا تھا اور تمام سیٹلائٹ ٹی وی چینلز اور ایف ایم ریڈیوز پر انڈین مواد نشر کرنے پر مکمل پابندی عائد کی گئی تھی۔