برازیل توانائی بحران پر قابو پانے اور زرعی پیداوار کو بہتر کرنے کیلئے پاکستان کے ساتھ تعاون کیلئے تیارہے٬ برازیلی سفیر
برازیل کے سرمایہ کار پاکستان میں سی پیک سمیت دیگر شعبوں میں سرمایہ کاری کے مواقع تلاش کریں٬ خالد اقبال ملک
جمعہ 21 اکتوبر 2016 21:43
(جاری ہے)
ان خیالات کا اظہار انہوں نے اسلام آباد چیمبر آف کامرس اینڈ انڈسٹری میں تاجر برادری کی ایک بڑی تعداد سے خطاب کرتے ہوئے کیا۔ برازیل کے سفیر نے کہا کہ پاکستان کی کئی مصنوعات برازیل کی مارکیٹ میں بہتر مقام حاصل کرنے کی عمدہ صلاحیت رکھتی ہیں لہذا پاکستان کی تاجر برادری برازیل کے ساتھ تجارت کو بہتر کرنے کیلئے کوششیں تیز کرے۔
انہوں نے کہا کہ پاکستان اور برازیل کے درمیان باہمی تجارتی و اقتصادی تعلقات کو صلاحیت کے مطابق فروغ دینے کیلئے دونوں کے نجی شعبوں کے درمیان قریبی روابط کا فروغ اشد ضروری ہے۔ انہوں نے اس بات کی یقین دہانی کرائی کہ ان کا سفارتخانہ پاکستان کی تاجر برادری کو برازیل میں کاروباری مواقع تلاش کرنے کی کوششوں میں ہر ممکن تعاون کرے گا۔ اپنے استقبالیہ خطاب میں اسلام آباد چیمبر آف کامرس اینڈ انڈسٹری کے صدر خالد اقبال ملک نے کہا کہ 2015میں برازیل کی دنیا کے ساتھ کل تجارت 369ارب ڈالر اور برآمدات 191ارب ڈالر تھیں لیکن پاکستان کے ساتھ اس کی دوطرفہ تجارت صرف 30کروڑ ڈالر کے لگ بھگ ہے جو دونوں کی اصل صلاحیت سے بہت ہی کم ہے۔ انہوں نے کہا کم تجارت کی اہم وجہ یہ ہے کہ دونوں ممالک محدود اشیاء میں تجارت کر رہے ہیں لہذا انہوں نے اس بات پر زور دیا کہ پاکستان اور برازیل مزید شعبوں میں تجارت کو فروغ دینے کیلئے نجی شعبوں کی حوصلہ افزائی کریں۔انہوں نے کہا کہ پاکستان برازیل کو فارسوٹیکلز٬ کیمیکلز٬ سپورٹس گڈز٬ چاول٬ دالیں٬ سبزیاں اور پھلوں سمیت متعدد مصنوعات برآمد کر سکتا ہے ۔انہوں نے کہا کہ مرغی کا گوشت٬ زرعی مشینری٬ پھلوں کا جوس٬ چائے٬ مصالہ جات ٬ کافی٬ آٹو پارٹس٬ چمڑے کی مصنوعات٬ گرینائٹ٬ الیکٹریکل اپلائنسز اور دستکاری کی مصنوعات سمیت متعدد دیگر شعبوں میں بھی دونوں ممالک باہمی تعاون فروغ دے سکتے ہیں۔ لہذا انہوں نے اس بات پر زور دیا کہ پاکستان اور برازیل تجارتی وفود کا باقاعدگی سے تبادلہ کرنے کی حوصلہ افزائی کریں اور ایک دوسرے کے ملک میں سنگل کنٹری نمائشیں منعقد کرنے کیلئے نجی شعبوں کے ساتھ تعاون کریں۔خالد اقبال ملک نے اس موقع پر برازیل کے سفیر کو پاکستان کی معیشت کے مختلف شعبوں میں پائے جانے والے سرمایہ کاری کے مواقعوں سے بھی آگاہ کیا اور اس بات پر زور دیا کہ برازیل کے سرمایہ کار سیپک سمیت دیگر شعبوں میں سرمایہ کاری کے مواقع تلاش کرنے کیلئے پاکستان کا دورہ کریں۔انہوں نے اس عزم کا اظہار کیا کہ اسلام آباد چیمبر آف کامرس برازیل کے سفارتخانے کے ساتھ مل کر دونوں ممالک کے درمیان تجارت کو مزید فروغ دینے کیلئے اپنا کردار ادا کرے گا۔مزید اہم خبریں
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
فرانس میں پاکستان کے سفیر عاصم افتخاراحمد کا سینڈیلن میں پاکستان کے ایونٹنگ پیرس اولمپکس 2024 کے تربیتی کیمپ کا دورہ
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں
-
بلاول بھٹو زرداری سے بینظیر انکم سپورٹ پروگرام کی چیئرپرسن سینیٹرروبینہ خالد کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.