کے ڈی اے کی گورننگ باڈی میں شہر کے منتخب بلدیاتی نمائندوں اور متعلقہ اراکین سندھ اسمبلی کو شامل کیا جائے٬اراکین سندھ اسمبلی

جمعہ 21 اکتوبر 2016 21:41

کراچی (اُردو پوائنٹ اخبارتازہ ترین - این این آئی۔ 21 اکتوبر2016ء) متحدہ قومی موومنٹ (پاکستان) کے اراکین سندھ اسمبلی نے حکومت سندھ کی جانب سے ادارہ ترقیات کراچی( کے ڈی ای) کی گورننگ باڈی میں شہر کراچی کے منتخب بلدیاتی نمائندوں اور دیگر اہم اور متعلقہ شہری اداروں کو شامل نہ کرنے کو سندھ حکومت کا ایک اور کراچی دشمن قدم قرار دیا ہے۔ ایک بیان میں اراکین سندھ اسمبلی نے کہاکہ سندھ حکومت تعصب میںاتنی اندھی ہو چکی ہے کہ اس نے (کے ڈی ای) کی گورننگ باڈی میں حکمران جماعت کے ان دو ارکان سندھ اسمبلی کو شامل کیا جن کاحلقہ انتخاب ملیر ڈیولپمنٹ اتھارٹی (ایم ڈی اے ا )اور لیاری ڈیولپمنٹ اتھارٹی ( ایل ڈی اے ) کی حدود میںآتاہے۔

انہوںنے کہاکہ شہری ترقی کا کوئی بھی اداروہ منتخب بلدیاتی نمائندوں کی رہنمائی اور تعاون کے بغیرفعال نہیں ہوسکتا اور متعلقہ شہری سہولیات کے اداروں مثلا واٹر اینڈ سیوریج بورڈ اور بلڈنگ کنٹرول اتھارٹی کی اس گورننگ باڈی میں غیر موجودگی بھی اسے مزید متنازعہ بناد ے گی۔

(جاری ہے)

انہوںنے وزیر اعلی سندھ سے مطالبہ کیا ہے کہ مئیر کراچی کو ماضی کی طرح کے ڈی اے کا انتظامی سربراہ مقرر کیا جائے٬اس وقت اداروں کے مابین اختلافات کی وجہ شہرکے منتخب نمائندہ مئیر کراچی کا کے ڈے اے میںکسی قسم عمل داخل نہ ہونا ہے۔

اس لئے شہرکی احساس محرومی اضافہ کرنے کے بجائے اختیار ات عملی طور پر منتقل کیے جائیں تاکہ شہر کے بنیاد مسائل حل ہو سکے ۔انہوںنے کہاکہ کراچی دشمن فیصلے کو تبدیل کیا جائے اور( کے ڈی اے )کی گورننگ باڈی میں شہر کی منتخب بلدیاتی نمائندوں اور متعلقہ اراکین سندھ اسمبلی کو شامل کیا جائے٬ بصورت دیگر ایم کیوایم اس فیصلے کے خلاف احتجاج کے تما م تر جمہوری اور قانونی راستے اختیار کریں گی۔