حکومتی کشتی زیادہ دیر تیرتی نظرنہیں آتی ٬ حکمران اس کشتی پر سوار ہیں جس کے پیندے میں سوراخ ہے ٬اب بچے گا وہی جو اس ڈوبتی کشتی سے چھلانگ لگائے گا٬حکمرانوں کے پاس اب کہنے کو کچھ نہیں رہا ٬صرف پروپیگنڈے کے زور پر حکومت نہیں چلتی ٬اچھا ہوتا اگر حکومت اپنے اوردوسروں کیلئے احتساب کا نظام بناتی ٬احتساب میں تاخیر سے عوام کے غیظ و غضب میں اضافہ ہوگا ٬عدالتیں مصطفی کمال اور عشرت العباد کے ایک دوسرے بارے سچ کا فوری نوٹس لیں٬ قرآن میں خواتین کا ذکر ہے ٬ وراثت میں حصہ انہیں اسلام نے دیا ہے ٬ دو فیصد سیکولر لوگوں نے معاشرے کو یرغمال بنایا ہواہے٬ اور حقوق نسواں کے نام پر عورت کا استحصال کیا جارہاہے
امیر جماعت اسلامی پاکستان سینیٹر سراج الحق کا جمعہ کے بڑے اجتماع سے خطاب
جمعہ 21 اکتوبر 2016 20:52
(جاری ہے)
اسلام آنے سے پہلے عورت مظلوم تھی ٬ اسلام نے انہیں ایسے حقوق دیے جو کسی نظام میں نہیں ہیں ۔
قرآن میں خواتین کا ذکر ہے ٬ عورت ماں ٬ بہن ٬بیٹی اور بیوی کا درجہ رکھتی ہے ۔ وراثت میں حصہ انہیں اسلام نے دیا ہے ۔ سیکولر لوگ دو فیصد ہیں جنہوں نے معاشرے کو یرغمال بنایا ہواہے اور حقوق نسواں کے نام پر عورت کا استحصال کیا جارہاہے۔ وہ جمعہ کو جامع مسجد منصورہ میں جمعہ کے بڑے اجتماع سے خطاب کر رہے تھے ۔سینیٹر سراج الحق نے کہا کہ ہم پہلے دن سے حکمرانوں کو احتساب کا نظام بنانے اور لوٹی گئی قومی دولت واپس کرنے پر زور دیتے رہے ہیں لیکن حکمران مسلسل ٹال مٹول اور ڈنگ ٹپائو پالیسی سے کام لیتے رہے ۔کچھ لوگ چاہتے تھے کہ پانامہ ٬دبئی اور لندن لیکس کے معاملہ کو دبا کر قومی خزانہ سے لوٹا گیا کھربوں روپیہ ڈکار لیا جائے مگر اب ان کی یہ چالیں کامیاب نہیں ہونگی ۔٬عوام احتساب کے مطالبے سے پیچھے ہٹنے والے نہیں ۔انہوں نے کہا کہ عدالت سے نوٹس ملتے ہی حکومتی کشتی ڈولنے اور حکومتی مشینری شور مچانے لگی ہے ۔انہوں نے کہا کہ حکمرانوں کو اب بھاگنے کا موقع نہیں ملے گا عوام حکومتی مظالم اور کرپشن و مہنگائی کے ہاتھوں اس قدر تنگ آچکے ہیں کہ کسی طرف سے بھی حکمرانوں کے حق میں کوئی آواز سنائی نہیں دیتی ۔انہوں نے کہا کہ کرپشن نے ملک کی جڑیں کھوکھلی کردی ہیں ٬لٹیروں کے ٹولے نے قومی خزانے کو شیر مادر سمجھ رکھا ہے ۔ سینیٹر سراج الحق نے کہا کہ جماعت اسلامی عدالتوں اور عوام دونوں جگہ اپنی جدوجہد جاری رکھے گی ۔جماعت اسلامی خیبر پختونخواہ کا صوبائی اجتماع 22.23اکتوبر کو اضاخیل میں ہوگا جس میں صوبہ بھر سے لاکھوں لوگ شریک ہونگے اور یہ اجتماع خیبر پختونخواہ کی آئندہ سیاست کا رخ متعین کرے گا اور ملک میں اسلامی انقلاب کا پیش خیمہ ثابت ہوگا ۔28,29,30اکتوبر کو جماعت اسلامی پنجاب کا صوبائی اجتماع لاہور میں ہوگا جس کے آخری دن اسلامی انقلاب مارچ کیا جائے گا جس میں پنجاب بھر سے لاکھوں عوام شرکت کریں گے ۔انہوں نے کہا کہ اس کے بعد سندھ میں ورکرز کنونشن ہوگا ۔جماعت اسلامی ملک بھر کے عوام کی ترجمان جماعت ہے اور ہم پاکستان کی نظریاتی اور جغرافیائی سرحدوں کے تحفظ کیلئے کوئی کسر اٹھا نہیں رکھیں گے ۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.