پاکستان میں ’’آرٹ کے تحفظ‘‘ کیلئے لاہور آرٹس کونسل نے ورکشاپ منعقد کرکے ایک اہم قدم اٹھایا‘کیپٹن (ر) عطاء محمد خان

جمعہ 21 اکتوبر 2016 19:33

لاہور(اُردو پوائنٹ اخبارتازہ ترین - این این آئی۔ 21 اکتوبر2016ء) پاکستان میں ’’آرٹ کے تحفظ‘‘ کے لئے لاہور آرٹس کونسل نے یہ منفرد ورکشاپ منعقد کرکے ایک اہم قدم اٹھایاہے ٬اس ورکشاپ سے ہمیں اپنے قیمتی ورثے کے تحفظ میں مدد ملے گئی۔ ان خیالات کا اظہار ایگزیکٹوڈائریکٹر لاہورآرٹس کونسل الحمراء کیپٹن(ر)عطاء محمد خان نے پرمانیٹ آرٹ گیلری الحمراء کلچرل کمپلیکس میں ہونے والی(5)روزہ ورکشاپ کی اختتامی تقریب میں کیا۔

انہوںنے کہا کہ آرٹسٹ اور ان کا کام ہمارا اثاثہ ہیں جن کی حفاظت ہماری ذمہ داری ہے اس ذمہ داری کے احساس ہی کی وجہ سے اس ورکشاپ کا انعقاد ممکن ہوا٬ جس سے لاہور سمیت ملک بھرسے آرٹسٹوں نے حصہّ لیا اور ان کو ڈنمارک سے تعلق رکھنے والے ماہر آثار قدیمہ مارٹن برنسٹیڈ نے تربیت دی ہے۔

(جاری ہے)

انہوں نے کہاکہ یہ ورکشاپ اپنی نوعیت کی ایک منفرد ورکشاپ ہے اس میں آرٹسٹوں کو اپنا کام کا تحفظ کرنااور جو فن پارہ خراب ہو جاتے ہیں ان کو اصل حالات میں لانے کے لئے مہارت سیکھائی گئی جو ان کے لئے بڑی ثمرآرو ثابت ہوگی۔

آرٹسٹوںنے لاہور آرٹس کونسل اور دانش سنٹر فارکلچر انیڈ ڈویلپمنٹ کی اس کاوش کو سراہاہے لہذاان کی اس حوصلہ افزائی میں اسی طرز کی ایک ورکشاپ 30اکتوبر تا 3نومبر 2016ء کو بھی منعقد کی جائے گی۔