سعودی سول ایوی ایشن اور شاہ عبدالعزیز انٹرنیشنل ایئر پورٹ جدہ کی انتظامیہ کی پی آئی اے کی حج آپریشن کی تعریف

جمعہ 21 اکتوبر 2016 19:24

کراچی(اُردو پوائنٹ اخبارتازہ ترین - آن لائن۔ 21 اکتوبر2016ء) سعودی عرب کی جنر ل اتھارٹی آف سول ایوی ایشن اور شاہ عبدالعزیز انٹرنیشنل ایئر پورٹ جدہ کی انتظامیہ نے پی آئی اے کی حج آپریشن کے دوران کارکردگی کو سراہا ہے۔ ترجمان کے مطابق حج آپریشن کے دوران حجا ج کو بہترین خدمات فراہم کرنے پر پر پی آئی اے کوسعودی اتھارٹی کی جانب سے اعلیٰ کارکردگی کا سرٹیفکیٹ دیا گیا۔

(جاری ہے)

پی آئی اے کے چیف آپریٹنگ آفیسر برنڈ ہلڈن برانڈ نے کہا ہے کہ یہ ایوارڈ حج آپریشن سے منسلک پی آئی اے کے تمام شعبہ جات کی ایک ٹیم کی صورت میں بہترین کارکردگی کی وجہ سے حاصل ہوا ہے ٬ قبل از حج آپریشن کے دوران پروازوں کی بروقت روانگی کا تناسب 92.2 فیصد جبکہ بعد از حج آپریشن کے دوران 98 فیصد رہا ۔ انہوں نے کہا کہ 51 ہزار سے زائد حجاج کو خدمات فراہم کرنے کے بعد نومبر کے پہلے ہفتہ سے شروع ہونے والے عمرہ سیزن کیلئے تیاریا ں زور وشور سے جاری ہیں۔#